बारामती - अशक्यप्राय वाटणारी बाब आव्हान म्हणून स्विकारुन ती पूर्ण करुन दाखविण्याची किमया बारामतीच्या मेडीट्रेकर संघाच्या 17 डॉक्टरांनी करुन दाखवली आहे. एव्हरेस्ट बेस कँपवर चढाई करण्याचे अवघड आव्हान स्विकारुन नुकतेच ते पूर्णही केले.
बारामतीतील डॉक्टरांच्या मेडीट्रेकर संघातील दिनेश ओसवाल, पंकज गांधी, दिलीप लोंढे, संजय पुरंदरे, गोकुळ काळे, विक्रांत धोपाडे, प्रशांत मांडण, राजीव शहा, उज्वल हिंगणे, चंद्रकांत पिल्ले, सतीश वडगावकर, अमित कोकरे, प्रीतम ललगुणकर, दीपक महाडीक, श्रीकांत पवार, सचिन घोळवे व चंद्रकांत धुमाळ या सदस्यांनी जगात सर्वात अवघड मानल्या जाणा-या एव्हरेस्ट बेस कँपपर्यंत चालत जाण्याचे आव्हान स्विकारुन ते पूर्ण करण्यासाठी गेल्या काही महिन्यांपासून तयारी सुरु केली होती.
बारामतीचे फिटनेस तज्ज्ञ डॉ. अजिनाथ खरात यांच्याकडून हिमालयात वावरताना काय काळजी घ्यायला हवी याच्या टीप्स व प्रशिक्षण या डॉक्टरांच्या टीमने घेतले होते. अत्यंत प्रतिकूल हवामानात व हाडे गोठवून टाकणा-या थंडीचा मुकाबला करत या सर्वच डॉक्टरांच्या टीमने टीमवर्कच्या मदतीने हे आव्हान पेलले व पूर्णही केले. या काळात खडतर परिस्थितीशी त्यांना सामना करावा लागला. अपेक्षेहून अधिक थंडी व कमी झालेला ऑक्सिजन या मुळे अनेकांचा शारिरीक कस लागला, मात्र तरीही सर्वांनी ही मोहिम यशस्वी पूर्ण केली.
बारामतीच्या डॉक्टरांच्या टीमने एव्हरेस्ट बेसकँपपर्यंत चढाई करुन ती यशस्वी पूर्ण करण्याची ही पहिलीच वेळ होती. गेल्या काही महिन्यांपासून बारामतीत सर्वांनीच शारिरीक तयारी केलेली होती. ट्रेकींगचा अनेकांना अनुभव असला तरी थेट एव्हरेस्ट बेस कँप पर्यंत चढाई करणे आव्हानात्मक होते, तरीही सर्वांनी जिद्दीने ही मोहिम फत्ते केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.