बारामती - महाविकास आघाडीच्या उमेदवार सुप्रिया सुळे आणि महायुतीच्या उमेदवार सुनेत्रा पवार यांच्या प्रचाराचा प्रारंभ श्री क्षेत्र कण्हेरी येथून केला जाणार आहे.
सुप्रिया सुळे यांच्या प्रचाराचा प्रारंभ शुक्रवारी (ता. 19) रोजी सकाळी आठ वाजता तर सुनेत्रा पवार यांच्या प्रचाराचा प्रारंभ शनिवारी (ता. 20) सकाळी दहा वाजता होणार आहे.
ज्येष्ठ नेते शरद पवार यांच्या प्रमुख उपस्थितीत सुप्रिया सुळे यांचा तर उपमुख्यमंत्री अजित पवार यांच्या प्रमुख उपस्थितीत सुनेत्रा पवार यांचा प्रचाराचा नारळ कण्हेरीच्या मारुतरायाला वाढविला जाणार आहे.
बारामतीत आजवर पवार कुटुंबियांकडून लढलेल्या विधानसभा व लोकसभा निवडणूकीचा प्रारंभ कण्हेरीतून करण्याची एक परंपरा आहे. या परंपरेनुसारच दोन्ही बाजूंकडून प्रचाराला प्रारंभ होणार आहे. कण्हेरीचा मारुतराया कोणाला पावणार या बाबत आता मतदारसंघात चर्चा सुरु झाली आहे.
यंदाची निवडणूक देशातील सर्वाधिक लक्षवेधी लढतींपैकी एक असून केवळ राज्याचेच नव्हे तर देशाचेही लक्ष या निवडणूकीकडे लागून राहिले आहे. महायुती व महाविकास आघाडीच्या वतीने दोन्ही उमेदवारांच्या प्रचारार्थ कोणत्या स्टार प्रचारकांच्या सभा बारामती मतदारसंघात होणार या कडे आता सर्वांचेच लक्ष आहे. विशेषतः पंतप्रधान नरेंद्र मोदी, अमित शहा यांच्या तसेच राहुल गांधी, प्रियांका गांधी यांच्या सभा या मतदारसंघात होणार का या कडे सर्वांचेच लक्ष आहे.
बारामती लोकसभा मतदारसंघात गेल्या अनेक दिवसांपासून प्रचार सुरु असून आता उमेदवारी अर्ज दाखल केल्यानंतर प्रचाराला अधिक गती येणार आहे. कॉर्नर सभा, घोंगडी बैठका, पदयात्रा, घरोघरी भेटीगाठी, मेळावे, स्नेह भोजन या माध्यमातून दोन्ही बाजूंनी प्रचाराचा धडाका लावला आहे. समाजमाध्यमांवरुनही वेगाने प्रचार सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.