बारामती : येथील बारामती शहर पोलिस ठाण्याचे पोलिस निरिक्षक नामदेव शिंदे यांची नियंत्रण कक्षामध्ये बदली करण्यात आली असून जेजुरी पोलिस ठाण्याचे निरिक्षक सुनिल महाडीक यांची बारामतीचे पोलिस निरिक्षक म्हणून बदली झाली आहे.
प्रशासकीय कारणास्तव ही बदली करण्यात आल्याचे कारण नमूद करण्यात आले असले तरी या तडकाफडकी बदलीमागे काही वेगळी कारणे असल्याची चर्चा बारामतीत आहे. गेल्या काही दिवसांपूर्वी घडलेल्या घटनेची बारामतीत जोरदार चर्चा आहे. या बाबत वरिष्ठ अधिकारीही प्रशासकीय बदली असल्याचे सांगत असले तरी इतकी तडकाफडकी बदली होण्यामागे नक्कीच दुसरे कारण असल्याचे नागरिकांचे म्हणणे आहे.
बारामती हे संवेदनशील शहर समजले जाते. स्वताः उपमुख्यमंत्री अजित पवार यांचे बारामतीच्या बाबतीत बारकाईने लक्ष असते. बारामतीत चुकीचे कसलेच प्रकार ते खपवून घेत नाहीत. अधिकारी किंवा कार्यकर्ते कोणीही असले तरी चुकल्यावर कारवाई करताना अजित पवार मागेपुढे पाहत नाहीत. गेल्या आठवड्यात घडलेल्या घटनेचीच चर्चा बारामतीत रंगली होती. सुरवातीला दबक्या आवाजात ही चर्चा होती, मात्र नंतर उघडपणे या बाबी बोलल्या गेल्या. वरिष्ठ अधिका-यांपर्यंतही हे प्रकरण पोहोचले होते, प्रारंभी वरिष्ठांनीही या प्रकरणाकडे गांभीर्याने पाहिले नाही, असेच चित्र होते, मात्र नंतर या प्रकरणाचे गांभीर्य वाढल्याने वरिष्ठांनी तडकाफडकी बदलीचा निर्णय घेतला.
नामदेव शिंदे यांची नियंत्रण कक्षात बदली झाली असून त्यांच्या जागी जेजुरीचे पोलिस निरिक्षक सुनिल महाडीक यांनी तातडीने कार्यभार स्विकारण्याच्या सूचना त्यांना देण्यात आल्या आहेत. बारामतीत अधिका-यांनी काही चुकीच्या बाबी करण्याचा प्रयत्न केला तर त्यांच्या चुकीला माफी मिळत नाही हेच या घटनेने अधोरेखीत झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
