सबस्क्राईब करा
बारामती : शहरानजिक तांदुळवाडी येथील वाडकर कॉलनीमधील सुनिल विठ्ठल निकत यांची स्विफ्ट गाडी शुक्रवारी (ता. 30) पहाटे चोरट्यांनी चोरुन नेली. शहरातील अवधूतनगरमधील अतुल कोठारी यांची क्रेटा गाडी चोरटयांनी चोरल्यानंतर त्याच गाडीतून येत सुनिल निकत यांचीही घराबाहेर लावलेली स्विफ्ट गाडी चोरुन नेली. दुस-या दिवशी सकाळी उठल्यानंतर गाडी जागेवर नसल्याने सुनिल निकत यांनी शोध घेतल्यानंतर चार चाकी गाडीची चोरी झाल्याचे त्यांच्या निदर्शनास आले.
या संदर्भात बारामती तालुका पोलिसात गुन्हा दाखल करण्यात आला असून पोलिसांनी तपास सुरु केला आहे. एकाच दिवसात दोन चार चाकी गाड्या चोरट्यांनी चोरुन नेल्याने बारामतीत रस्त्यावर गाडी पार्क करणा-या नागरिकात चिंतेचे वातावरण आहे.