बारामती : दिवाळीनिमित्त सांस्कृतिक फराळ बारामतीकरांना मिळावा या उद्देशाने पवार सार्वजनिक न्यासाच्या वतीने सुरु करण्यात आलेल्या शारदोत्सवात मंगळवारी (ता. 2) प्रसिध्द गायक पं. वेंकटेश कुमार यांचे सुश्राव्य गायन होणार आहे.
किराणा घराण्याचे गायक असलेल्या पं. वेंकटेश कुमार यांना प्रती पं. भीमसेन जोशी म्हणून संबोधले जाते. कर्नाटक राज्योत्सव पुरस्कार, कर्नाटक संगीत नाट्य अकादमी पुरस्कार, वत्सला भीमसेन जोशी पुरस्कार, कृष्णा हंगल पुरस्कार, संगीत नाटक अकादमीचा पुरस्कार, कर्नाटक विद्यापीठाची मानद डॉक्टरेट तसेच भारत सरकारने पद्मश्री किताबाने त्यांना गौरविले आहे. त्यांनी क्लासिकल संगीताचे अनेक अल्बम्स तयार केलेले आहेत. ऑल इंडिया रेडीयोवर अनेक वर्षांपासून ते गायन करीत आहेत. धारवाड विद्यापीठात त्यांनी अनेक वर्षे संगीत शिकविण्याचेही काम केलेले आहे.
बुधवारी (ता. 3) महाराष्ट्र भूषण पुरस्कार विजेत्या सुप्रसिध्द पार्श्वगायिका आशा भोसले यांना संगीतमय मानवंदना शतकाची आशा या कार्यक्रमाद्वारे दिली जाणार आहे. या कार्यक्रमात हृषीकेश रानडे, प्रथमेश लघाटे व शरयू दाते हे गीत गायन करणार असून निवेदन स्पृहा जोशी करतील. आशा भोसले यांच्या लोकप्रिय गीतांचा नजराणा यातून रसिक बारामतीकरांपुढे सादर केला जाणार आहे.
विद्यानगरीतील गदिमा सभागृहात रात्री आठ वाजता हे कार्यक्रम होणार आहेत.
दिवाळीचे औचित्य साधून बारामतीकरांना सांस्कृतिक कार्यक्रम पाहता यावेत या उद्देशाने शारदोत्सवाचे आयोजन केले जाते. अभिजात संगीत परंपरा हा भारतीय कलासंस्कृतीचा महत्वाचा भाग आहे, अभिजात संगीताची आवड नव्या पिढीत निर्माण व्हावी व या संगीताला संपन्न रसिकाश्रय लाभावा हा यामगील प्रमुख उद्देश आहे. या कार्यक्रमास उपस्थित राहण्याचे आवाहन खासदार सुप्रिया सुळे व श्रीनिवास पवार यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
