भोर : तालुक्यातील ब्रिटिशकालीन भाटघर धरण भरण्याच्या मार्गावर असून धरणात शनिवारी (ता.११) सायंकाळी ९९.२६ टक्के पाणीसाठा झाला आहे. पुढील काही तासांमध्ये धरणात १०० टक्के पाणीसाठा होऊन धरणाचे स्वयंचलित दरवाजे उघडले जाणार आहेत.
गेल्यावर्षी भाटघर धरण २० ऑगस्टला भरले होते. यावर्षी पावसाने दडी मारल्यामुळे धरण भरण्यास २० दिवस उशीर झाला आहे. २३.७४ टीएमसी पाणीक्षमता असलेल्या भाटघर धरणास ४५ स्वयंचलित दरवाजे आहेत. पाणीसाठा १०० टक्के झाल्यावर एकामागून एक असे स्वयंचलित दरवाजे आपोआप उघडले जातात. शनिवारी सकाळी धरणात ९८.५३ पाणीसाठा झाला होता.
तेव्हापासून जलसंपदा विभागाचे कार्यकारी अभियंता राजेंद्र धोडपकर, शाखा अभियंता अनिल नलावडे, नाना कांबळे, अमोल कापरे आदींसह तांत्रिक साहाय्यक धरणावर लक्ष ठेवून आहेत. धरण क्षेत्रातील पावसाचे प्रमाण कमी झाले तर रविवारी (ता.१२) सकाळपर्यंत धरण भरण्याची शक्यता असल्याचे जलसंपदा विभागाकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
