सावित्रीबाई फुले आणि महात्मा फुले यांच्या जयंती पुण्यतिथीदिवशी कायम चर्चा होते, ती म्हणजे भिडेवाड्याची. भिडेवाड्याची दुर्दशा ही काही आजची गोष्ट नाही गेल्या अनेक दिवसांपासून या प्रश्नाचं घोंगडं भिजतच राहिलं आहे. सरकारं आली, गेली पण या प्रश्नावर उपाय सापडला नाही. पण विलासरावांच्या सरकारची गोष्ट काहीशी वेगळी होती.
विलासराव देशमुख मुख्यमंत्री असतानाही हा प्रश्न उपस्थित झाला होता. भिडेवाड्यात स्मारक व्हावे यासाठी स्थापन झालेल्या समितीने हा प्रश्न अनेकदा लावून धरला होता. अनेक सामाजिक कार्यकर्त्यांनी या प्रश्नी लक्ष घातलं. त्यानंतर विलासराव देशमुख यांनी पुण्याचा दौरा कला आणि लगेचच स्थायी समितीमध्ये मुलींच्या पहिल्या शाळेचे स्मारक उभारण्यासाठी दोन कोटी रुपयांची तरतूद करण्याचा प्रस्ताव मंजूर केला होता.
पण त्यानंतर हा प्रश्न प्रलंबितच राहिला. पुढच्या कोणत्याही सरकारला त्याविषयी ठोस पावलं उचलता आली नाहीत. आता पुन्हा एकदा राज्यातल्या शिंदे फडणवीस सरकारने या स्मारकाचं काम मार्गी लावण्याचे आदेश दिले आहेत. याबद्दल छगन भुजबळ यांनी शिष्टाई केली, या विषयी आज बैठकही घेण्यात आली. या बैठकीत मुख्यमंत्री एकनाथ शिंदे यांनी आदेश दिले आहेत. आता हे सरकार तरी भिडेवाड्याचा विकास आणि महात्मा फुलेंचं स्मारक उभारेल, अशी आशा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
