पुणे: मराठा आरक्षणासह इतर प्रलंबित मागण्यांसाठी खासदार छत्रपती संभाजीराजे यांनी २६ फेब्रुवारीपासून उपोषण करण्याचे जाहीर केले आहे. मराठा समाजासाठी छत्रपती शिवाजी महाराज आणि शाहू महाराजांच्या परंपरेतील मान्यवरांनी केलेल्या आंदोलनात भाजपचा पूर्ण पाठिंबा राहील, अशी माहिती प्रदेशाध्यक्ष आमदार चंद्रकांत पाटील यांनी मंगळवारी दिली.
पाटील म्हणाले, ‘‘ जे ओबीसींना ते मराठा समाजाला, हे सूत्र वापरून तत्कालीन मुख्यमंत्री देवेंद्र फडणवीस सरकारने मराठा समाजासाठी शिक्षण व रोजगाराच्या सवलती दिल्या तसेच आरक्षणही दिले. परंतु महाविकास आघाडी सरकारमुळे आरक्षण गमावले. मराठा समाजासाठी भाजप सरकारने सुरू केलेल्या योजनांची अंमलबजावणी होत नाही.’’
मराठा समाजासाठी सारथी संस्था सुरु केली. मराठा समाजातील विद्यार्थी विद्यार्थिनींची निम्मे शुल्क भरण्यासाठी ७८५ कोटी रुपये खर्च केले. अण्णासाहेब पाटील महामंडळाच्या माध्यमातून युवक- युवतींना व्यवसाय सुरू करण्यासाठी बिनव्याजी दहा लाख रुपये कर्जाची योजना सुरू केली. मराठा समाजातील मुलामुलींसाठी वसतिगृहे सुरू केली परंतु ती बंद असल्याचा आरोप पाटील यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
