सबस्क्राईब करा
वडगाव : बारामती तालुक्यातील वडगाव निंबाळकर येथील ओढ्याला आलेल्या पुराच्या पाण्यात वाहून गेलेल्या नरेश मस्कु साळवे वय 55 या व्यक्तीचा मृतदेह चौथ्या दिवशी ओढापात्रात सापडला.
गुरूवार ता. १३ दुपारी बाराच्या दरम्यान बुडल्याचा प्रकार घडला होता. मयत साळवे माळी वस्ती बाजू कडून बाजार तळाकडे निघाले असता ओढ्यावरील छोट्या पुलावरून चालत येताना वेगवान प्रवाहामुळे पाय घसरून ओढापात्रात वाहून गेले थोडे अंतर पोहल्यावर दमछाक होऊन मृत्यू झाला असावा असा अंदाज बांधला जात आहे.
दरम्यान गेले दोन दिवस वडगाव निंबाळकर पोलीस ठाण्याचे सहाय्यक पोलीस निरीक्षक सोमनाथ लांडे आणि गावातील तरुण मंडळाच्या मदतीने मृतदेह शोधण्याचे काम सुरू होते. पण यात यश आले नाही. सदर घटनेबाबत जिल्हा आपत्ती समिती यांच्याकडे मदत मागण्यात आली बारामती येथे ठेवण्यात आलेल्या बोट उपलब्ध करून देण्यात आल्या. राष्ट्रवादी आपत्ती व्यवस्थापन सेल
आपत्ती व्यवस्थापन संघ महाराष्ट्र यांचे पथक शनिवार ता. १५ सायंकाळी दाखल झाले रात्री उशीर झाल्यामुळे पाण्यात शोध घेता आला नाही सकाळी साडेसातच्या दरम्यान पथकातील संतोष शेलार, करिम सय्यद, सागर जाबरे संदीप गव्हाणे, निलेश कुसाळकर, दिलीप गायकवाड, मनोज साळवे यांनी शोध मोहीम सुरू केली बुडालेल्या ठिकाणापासून सुमारे दीड किलोमीटर अंतरावर काटेरी झुडपात मृतदेह आढळून आला.
ओढा पात्रातून मृतदेह बाहेर काढून नातेवाईकांच्या ताब्यात दिला. दरम्यानच्या कालावधीत प्रांत अधिकारी दादासाहेब कांबळे तहसीलदार विजय पाटील पाटबंधारे उप अभियंता प्रवीण घोरपडे यांनी प्रत्यक्ष घटनास्थळी येऊन पाहणी केली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.