दौंड - पुणे -गोरखपूर एक्सप्रेस मध्ये तोतया तिकीट तपासणीस (टीसी) बनून प्रवाशांकडे पैसे वसूल करणाऱ्या तरूणास अटक करण्यात आली आहे. एक्सप्रेस मधील मुख्य तिकीट निरीक्षक यांच्या सतर्कतेमुळे हा प्रकार उघडकीस आला..पुणे-गोरखपूर एक्सप्रेसने दौंड कॅार्ड लाइन रेल्वे स्थानक सोडल्यानंतर सर्वसाधारण डब्यात एक साध्या वेशातील आणि चांगली शरीरयष्टी असलेला तरूण तिकीट तपासत होता. त्याने काही प्रवाशांकडून रोख रकमा घेतल्या. परंतु त्याच्या पावत्या दिल्या नाहीत.एक्सप्रेस विसापूर रेल्वे स्थानक येथे थांबली असता एक्सप्रेस मधील मुख्य तिकीट निरीक्षक शशीकांत धामणे यांनी सर्वसाधारण डब्यात प्रवेश करून तपासणी सुरू केली. तेव्हा प्रवाशांनी त्यांना एक तिकीट तपासणीस आताच तपासणी करून गेल्याचे सांगितले..तोतया तिकीट तपासणीस याने कुलदीप यादव यांच्याकडून सहाशे तर आशेराव यादव यांच्याकडून पाचशे रूपये घेतले होते. शशिकांत धामणे यांना शंका आल्याने त्यांनी पुढे जाऊन त्या तरूणाकडे ओळखपत्राची मागणी केली. परंतु त्याने ओळखपत्र नसल्याचे सांगत प्रवाशांना बाजूला करत स्वच्छतागृहात स्वतःला बंद केले.याबाबत श्री. धामणे यांनी वरिष्ठांना कळविल्यानंतर अहिल्यानगर रेल्वे स्थानकात एक्सप्रेस दाखल होताच त्या तोतया तिकीट तपासणीस यास ताब्यात घेण्यात आले. अहिल्यानगर लोहमार्ग पोलिस व रेल्वे सुरक्षा दलाने त्याच्याकडे चौकशी केली असता त्याचे नाव सचिन संजय दिवेकर (वय-२५, रा. कडेठाण, ता. दौंड) असल्याचे सांगितले. त्याच्याकडून रोख अकराशे रूपये जप्त करण्यात आले..अहिल्यानगर लोहमार्ग पोलिस ठाण्यात शशिकांत धामणे यांच्या फिर्यादीनुसार सचिन संजय दिवेकर याच्याविरूध्द भारतीय न्याय संहिता कलम २०४ (लोकसेवक असल्याची बतावणी करून तोतयागिरी करणे) व कलम ३१८ (४ - फसवणूक करणे) अन्वये गुन्हा दाखल करण्यात आला.रेल्वेचे चल तिकीट परीक्षक पांडूरंग आव्हाड, रेल्वे सुरक्षा दलाचे उप निरीक्षक विकेश तिमांडे, हवालदार जे. एस. नागुडे, अंमलदार सोमनाथ पठाडे, विठ्ठल खंडागळे, अहिल्यानगर लोहमार्ग पोलिस दलाचे अंमलदार गडाख, चव्हाण, बासोळे, आदींनी ही कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
दौंड - पुणे -गोरखपूर एक्सप्रेस मध्ये तोतया तिकीट तपासणीस (टीसी) बनून प्रवाशांकडे पैसे वसूल करणाऱ्या तरूणास अटक करण्यात आली आहे. एक्सप्रेस मधील मुख्य तिकीट निरीक्षक यांच्या सतर्कतेमुळे हा प्रकार उघडकीस आला..पुणे-गोरखपूर एक्सप्रेसने दौंड कॅार्ड लाइन रेल्वे स्थानक सोडल्यानंतर सर्वसाधारण डब्यात एक साध्या वेशातील आणि चांगली शरीरयष्टी असलेला तरूण तिकीट तपासत होता. त्याने काही प्रवाशांकडून रोख रकमा घेतल्या. परंतु त्याच्या पावत्या दिल्या नाहीत.एक्सप्रेस विसापूर रेल्वे स्थानक येथे थांबली असता एक्सप्रेस मधील मुख्य तिकीट निरीक्षक शशीकांत धामणे यांनी सर्वसाधारण डब्यात प्रवेश करून तपासणी सुरू केली. तेव्हा प्रवाशांनी त्यांना एक तिकीट तपासणीस आताच तपासणी करून गेल्याचे सांगितले..तोतया तिकीट तपासणीस याने कुलदीप यादव यांच्याकडून सहाशे तर आशेराव यादव यांच्याकडून पाचशे रूपये घेतले होते. शशिकांत धामणे यांना शंका आल्याने त्यांनी पुढे जाऊन त्या तरूणाकडे ओळखपत्राची मागणी केली. परंतु त्याने ओळखपत्र नसल्याचे सांगत प्रवाशांना बाजूला करत स्वच्छतागृहात स्वतःला बंद केले.याबाबत श्री. धामणे यांनी वरिष्ठांना कळविल्यानंतर अहिल्यानगर रेल्वे स्थानकात एक्सप्रेस दाखल होताच त्या तोतया तिकीट तपासणीस यास ताब्यात घेण्यात आले. अहिल्यानगर लोहमार्ग पोलिस व रेल्वे सुरक्षा दलाने त्याच्याकडे चौकशी केली असता त्याचे नाव सचिन संजय दिवेकर (वय-२५, रा. कडेठाण, ता. दौंड) असल्याचे सांगितले. त्याच्याकडून रोख अकराशे रूपये जप्त करण्यात आले..अहिल्यानगर लोहमार्ग पोलिस ठाण्यात शशिकांत धामणे यांच्या फिर्यादीनुसार सचिन संजय दिवेकर याच्याविरूध्द भारतीय न्याय संहिता कलम २०४ (लोकसेवक असल्याची बतावणी करून तोतयागिरी करणे) व कलम ३१८ (४ - फसवणूक करणे) अन्वये गुन्हा दाखल करण्यात आला.रेल्वेचे चल तिकीट परीक्षक पांडूरंग आव्हाड, रेल्वे सुरक्षा दलाचे उप निरीक्षक विकेश तिमांडे, हवालदार जे. एस. नागुडे, अंमलदार सोमनाथ पठाडे, विठ्ठल खंडागळे, अहिल्यानगर लोहमार्ग पोलिस दलाचे अंमलदार गडाख, चव्हाण, बासोळे, आदींनी ही कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
