पुणे : प्रेयसीकडून प्रियकराचा चाकूने वार करून खून केल्याचा धक्कादायक प्रकार समोर आला आहे. पुण्यातील वाघोली भागात प्रेम प्रकरणातून हा प्रकार घडला आहे. आज सकाळच्या सुमारास ही घटना उघडकीस आली.
मिळालेल्या माहितीनुसार, हे दोघेही मागील काही महिन्यांपासून वाघोली परिसरात एका भाड्याच्या फ्लॅटमध्ये राहत होते. या दोघांमध्येही प्रेम संबंध होते. मात्र आज पहाटेच्या सुमारास प्रियकराचा मृतदेह रक्ताच्या थारोळ्यात सापडला. या घटनेची माहिती मिळताच लोणीकंद पोलीस घटनास्थळी दाखल झाले आहेत.
संबंधित प्रेयसीने घरातील भाजी कापण्याच्या चाकूने प्रियकराच्या सर्वांगावर वार केल्याचे दिसून आले. प्रियकराला तातडीने रुग्णालयात नेण्यात आले. मात्र त्याआधीच त्याचा मृत्यू झाला होता
संबंधित प्रेयसीही यामध्ये जखमी झाली आहे. लोणीकंद पोलिसांनी याप्रकरणी शवविच्छेदनासाठी मृतदेह पाठवला असून याप्रकरणी खुनाचा गुन्हा दाखल करण्याची प्रक्रिया सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
