सबस्क्राईब करा
पुणे - आईला आणि पत्नीला शिवीगाळ का केली, याचा जाब विचारल्यामुळे एकाने सख्ख्या भावावरच हत्याराने वार करून गंभीर जखमी केल्याची घटना उंड्री येथील कडनगरमध्ये घडली.
मयूर प्रकाश कड (वय ३३, रा. होले वस्ती, कडनगर) असे जखमी झालेल्या तरुणाचे नाव आहे. या प्रकरणी गणेश प्रकाश कड याच्याविरुद्ध कोंढवा पोलिस गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी मयूर कड हे त्याच्या मित्रासोबत पाच जुलै रोजी रात्री अकराच्या सुमारास होले वस्तीत घराजवळ गप्पा मारत उभे होते. त्यावेळी मयूर यांनी त्यांचा भाऊ गणेश कड याला 'तू आई आणि पत्नीला शिवीगाळ का केली', याबाबत जाब विचारला.
त्याचा राग आल्याने गणेशने मयूर याच्यावर हत्याराने वार केला. त्यात मयूर याच्या हाताची दोन बोटे तुटली. तसेच, त्याच्या मानेवर वार केला. त्यात मयूर कड हा जखमी झाला. आरोपी गणेश कड याला अटक करण्यात आल्याची माहिती वरिष्ठ पोलिस निरीक्षक संतोष सोनवणे यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.