खडकवासला : खडकवासला परिसरात आज पाच वाजल्यापासून वाहतूक कोंडी झाली होती. या वाहतूक कोंडीत सोनापूरकडे निघालेली रुग्णवाहिका अडकली होती तसेच डीआयएटी परिसरात पीएमपीएमएलच्या बसला आग लागली होती. ती विझविण्यासाठी निघालेले अग्निशामक दलाची दोन वाहने कोंडीत अडकली होती. संध्याकाळी झालेला पावसामुळे पर्यटक नागरिक वाहतूक कोंडीत अडकले होते.
खानापूर हून स्वारगेट कडे निघालेल्या सीएनजी बसला अचानक आग लागली होती. बस मधील प्रवाशी चालक वाहक बाहेर पडले होते. पीएमआरडीएच्या अग्निशमन दलास त्याची माहिती मिळाली होती. त्यांच्या दोन गाड्या बसच्या दिशेने रवाना झाल्या.
परंतु वाहतूक कोंडी मोठ्या प्रमाणावर असल्यामुळे त्यांना देखील घटनास्थळी पोहोचण्यास खूप उशीर झाला होता. त्याचबरोबर सोनापूर या ठिकाणी अपघात झाला आहे. त्यासाठी मदतीला जाणारी रुग्णवाहिका देखील या वाहतूक कोंडीत अडकली होती.
खडकवासला धरण चौकात हवेली पोलीस ठाण्याचे कर्मचारी देखील बंदोबस्ताला होते. परंतु वाहतूक कोंडी चौपाटी परिसरात झाली होती. वाहतूक कोंडी आणि बसला आग लागल्याची माहिती मिळतात पोलीस कर्मचारी त्या दिशेने गेले. त्याच दरम्यान मोठ्या प्रमाणात पाऊस जोरात आल्यामुळे वाहतूक कोंडी जैसी थी होती. दर शनिवारी रविवारी पर्यटकांच्या गर्दीमुळे पुणे पानशेत रस्त्यावर वाहतूक कोंडी होते.
आज मोठ्या प्रमाणावर या रस्त्यावर वाहतूक कोंडी होती. पानशेत होऊन पुण्याकडे येणाऱ्या वाहनांच्या तीन रांगा लागल्या होत्या. तर पुण्याहून पानशेत कडे जाणारी एकच रांग होती. पर्यटकांनी रस्त्याच्या दोन्ही बाजूला वाहने पार्क केली होती.
धरण चौपाटीपासून ते गोऱ्हे बुद्रुक येथील संत धर्माजी बाबा मंदिरापर्यंत वाहतूक कोंडी होती. ती सुरळीत करण्यात आम्ही तासभर प्रयत्न केले. अशी माहिती मयूर निगडे यांनी दिली. बस स्वारगेटला जात होती आज रविवार असल्यामुळे पर्यटकांची संख्या भरपूर मोठ्या प्रमाणात होती. त्यामुळे या बसमध्ये ४६ प्रवासी बस होते.
अचानक त्यातून धूर आला आणि चालक वाहकांनी तातडीने सर्वप्रथम खाली उतरवली. त्यानंतर बसला आग लागली आणि त्याची जळून खाक झाली. ही घटना साडेसात वाजता घडली. अशी माहिती हवेली पोलीस ठाण्यातील अंमलदार विलास प्रधान यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.