पुणे विमानतळावर जाण्यासाठी 5 डेपोंमधून बससेवा

पुणे : शहराच्या विविध भागांतून विमानतळावर जाण्याऱ्या प्रवाशांच्या सोयीसाठी पुणे महानगर परिवहन महामंडळाने (पीएमपी) १० गाड्या उपलब्ध केल्या आहेत. बुधवारी (ता. १६) सकाळी सहा वाजल्यापासून रात्री नऊ वाजेपर्यंत शहरातील पाच डेपोमधून विविध मार्गांनी या गाड्या सोडण्यास सुरुवात झाली आहे.

विमानतळावर जाणाऱ्या व येणाऱ्या प्रवाशांच्या सोईसाठी पीएमपीने अभि (एयरपोर्ट बस फॉर बिझनेस होम ॲण्ड हॉटेल इंटरकनेक्टिव्हिटी) ही स्मार्ट एसी बससेवा पुरविली जाते. मात्र, कोरोनाच्या पार्श्वभूमीवर केलेल्या लॉकडाउनमुळे शासन निर्देशानुसार पीएमपीचे बस संचलन बंद ठेवले होते. परंतु, आता पीएमपीची बससेवा हळूहळू पूर्ववत होत आहे. त्या अनुषंगाने ‘अभि’ ही स्मार्ट एसी बससेवा बुधवारपासून पुन्हा सुरू केली आहे.

बस सुटण्याचे ठिकाण - बसची संख्या- बसच्या वेळा

हिंजवडी फेज ३ - २- 06.10, 10.00, 14.00, 1800

भेकराईनगर - २- 06.40, 07.40, 08.40, 09.40, 11.10, 12.10,

14.00, 15.00, 16.00, 17.00, 18.00, 19.00

स्वारगेट - २- 06.30, 07.30, 09.00, 10.00, 12.00, 13.00, 15.00, 16.00, 17.30, 18.30

कोथरूड स्टॅण्ड - २- 06.20, 07.20, 08.50, 09.50, 11.50, 12.45, 15.10, 16.10, 17.40, 1840

निगडी (भोसरी व विश्रांतवाडी मार्गे) - १ - 07.40, 10.20, 13.20, 17.15,

निगडी (वाकडेवाडी मार्गे) - १ - 06.40, 10.35, 15.00