बांधकाम कंपनीत गुंतवणूक करा म्हणाला अन् दीड कोटी रुपयांना चुना लावला

पुणे : बांधकाम कंपनीमध्ये गुंतवणूक केल्यास जादा व्याजदर देण्याचे आमिष दाखवून बांधकाम व्यावसायिकाने दाम्पत्याची दीड कोटी रुपयांची फसवणूक केली. याप्रकरणी एका बांधकाम व्यावसायिक कंपनीच्या संचालकांविरुद्ध न्यायालयाने दिलेल्या आदेशानुसार कोंढवा पोलिस ठाण्यात गुन्हा दाखल करण्यात आला आहे. 

गौतम जगदीश अहुजा, जगदीश भगवानदास अहुजा (दोघेही रा. सांताक्रूझ, मुंबई) अशी गुन्हा दाखल झालेल्यांची नावे आहेत. याप्रकरणी हरेश गुल सेतपाल आणि त्यांची पत्नी महेक (रा.एनआयबीएम रस्ता, कोंढवा) यांनी कोंढवा पोलिस ठाण्यात फिर्याद दिली आहे.

- उधारीवर बिअर दिली नाही म्हणून बहाद्दरांनी बिअर शॉपीच फोडली; वानवडीतील घटना​ 

पोलिसांनी दिलेल्या माहितीनुसार, 'फिर्यादी सेतपाल यांना गौतम आणि जगदीश अहुजा यांच्या 'अहुजा प्रॉपर्टीज असोसिएटस' कंपनीमध्ये गुंतवणूक केल्यास 12 टक्के व्याज मिळेल, असे आमिष दाखविण्यात आले. जादा व्याजदर मिळेल, म्हणून सेतपाल यांनी संबंधित कंपनीमध्ये दीड कोटी रुपयांची गुंतवणूक केली होती. मात्र संबंधित कंपनीने सेतपाल यांना कुठल्याही प्रकारचा परतावा दिला नाही. त्यामुळे सेतपाल यांनी वकिलामार्फत न्यायालयामध्ये संबंधित कंपनीविरुद्ध फौजदारी कारवाई करण्याचा दावा दाखल केला होता.

- पुण्याच्या शिरपेचात आणखी एक मानाचा तुरा; ई-बाईक सेवा देणारं पहिलं शहर ठरणार!​

न्यायालयाने या प्रकरणात बांधकाम कंपनीचे संचालक अहुजा यांच्या विरुद्ध कोंढवा पोलिसांना गुन्हा दाखल करण्याचे आदेश नुकतेच दिले. त्यानुसार ठेवीदारांचे हितसंबंध संरक्षण कायदा (एमपीआयडी), फसवणूक यानुसार अहुजा यांच्याविरुद्ध गुन्हा दाखल करण्यात आला आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)