![Pune Crime](http://media.assettype.com/esakal%2F2024-06%2F16847ddc-76c2-4385-9a2d-61f369e85e16%2FEsakal_Rushikesh__43_.jpg?w=480&auto=format%2Ccompress&fit=max)
पुणे : कात्रज परिसरातील जलतरण तलावात बुडून २१ वर्षीय तरुणाच्या मृत्यूप्रकरणी कोच, लाइफगार्ड यांच्यासह पाच जणांवर भारती विद्यापीठ पोलिसांत गुन्हा दाखल झाला असून त्यांना अटक करण्यात आली आहे. २० एप्रिल रोजी ही घटना घडली होती.
रॉयल एक्वाटिक क्लबचे मालक, व्यवस्थापक रूपेश राजेंद्र शिर्के (वय ३४, रा. मुळशी), कोच संतोष राजेंद्र कांबळे (वय ३५, रा. वडगाव), लाइफगार्ड प्रसाद सतीश ढोके (वय ३५, कसबा पेठ), आदित्य अरुण गुरव (वय २१), संदीप भिमाशंकर सलगर (वय २१, रा. बिबवेवाडी) अशी अटक करण्यात आलेल्यांची नावे आहेत. साहिल महेंद्र उके (वय २१, रा. साईनगर, कोंढवा) असे मृत्यू झालेल्या तरुणाचे नाव आहे.
याबाबत त्याचे वडील महेंद्र यांनी फिर्याद दिली. साहिल मागील तीन महिन्यांपासून प्रशिक्षण घेत होता. घटना घडली तेव्हा संबंधित व्यवस्थापक, लाइफगार्ड, कोच कोणीही हजर नव्हते. साहिल याला वैद्यकीय मदत न पुरविल्यामुळे तसेच अक्षम्य हलगर्जीपणामुळे त्याचा मृत्यू झाल्याचे फिर्यादीत नमूद आहे. त्यानुसार पोलिसांनी गुन्हा दाखल करून आरोपींना अटक केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.