Pune Chandani Chowk: पुणे शहरातील बहुचर्चित असलेल्या चांदणी चौकातील पुलाचे बांधकाम अखेर पूर्ण झाले आहे. केंद्रीय रस्ते व वाहतूक मंत्री नितीन गडकरी आणि राज्याचे मुख्यमंत्री एकनाथ शिंदे यांच्या हस्ते या पुलाचे उद्घाटन होणार आहे. १२ ऑगस्ट रोजी या पुलाचे उद्घाटन होणार असल्याची माहिती आहे. या पुलाचे भव्य दिव्य रूपाचे ड्रोन फुटेज आता समोर आले आहेत.
दरम्यान, चांदणी चौकातून दररोज दीड लाख नागरिक प्रवास करत असतात. येथील जुना पूल १९९२ साली राज्याच्या सार्वजनिक बांधकाम विभागाकडून बांधण्यात आला होता. चांदणी चौकातील वाहतूक कोंडी पाहता जुना पूल पाडून नवा पूल बांधण्याची योजना आखण्यात आली होती.
त्यानंतर हा पूल पाडण्याची घटनासुद्धा चांगलीच चर्चेत राहिली होती. ऑक्टोबर २०२२ मध्ये हा पूल पाडण्यात आला होता. त्यानंतर या पुलाचे उद्घाटन होणार आहे.
बांधकाम पूर्ण झाल्यानंतर चांदणी चौकातील पुलाचे भव्य दिव्य रूप ड्रोन कॅमेऱ्याच्या साहाय्याने शूट केले आहे. तर हा व्हिडिओ ट्वीटरवर शेअर करण्यात आला आहे. अजूनही चांदणी चौकात वाहतूक कोंडी होत असल्याचं नागरिकांकडून करण्यात येत आहे. तर पुलाचे उद्घाटन झाल्यानंतर चांदणी चौकातील वाहतूक कोंडी कमी होईल अशी अपेक्षा नागरिकांना आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
