Ramdas Athawale : "मोदींनी आणलेले चित्ते पाहायला जाणार अन् एक चित्ता घेऊन येणार"

पंतप्रधान नरेंद्र मोदी यांच्या वाढदिवसानिमित्त भारतात नामशेष झालेल्या चित्त्यांना नामिबियावरुन आणण्यात आलं. त्या दिवसापासून रोज काही ना काही कारणाने हे चित्ते चर्चेत आहेत. आता पुन्हा एकदा यांची चर्चा होऊ लागली आहे. कारण रिपब्लिकन पक्षाचे सर्वेसर्वा रामदास आठवले यातला एक चित्ता सोबत आणणार आहेत.

पुण्यात माध्यमांशी संवाद साधताना रामदास आठवले यांनी याविषयीची माहिती दिली. भारतात आणलेले चित्ते आम्ही अजून पाहिलेले नाहीत. पण नॅशनल पार्कमधल्या एका चित्त्याला आम्ही दत्तक घेतलं आहे. पंतप्रधान मोदींनी आणलेले चित्ते मी पाहायला जाणार आहे. आणि मिळाले तर तिथून एक चित्ता घेऊन येणार आहे.

यासोबतच त्यांनी राहुल गांधींच्या भारत जोडो यात्रेबद्दलही भाष्य केलं आहे. राहुल गांधी यांची भारत जोडो नाही तर भारत तोडो यात्रा आहे. काँग्रेसने त्यांचा पक्ष मजबूत करायला हवा. नरेंद्र मोदींचा सामना म्हणजे बच्चों का खेल नही हैं, अशा शब्दांत आठवलेंनी राहुल गांधींना सुनावलं आहे.