बारामती: येथील बाळगोपाळांनी आज पुण्यातील फुरसुंगी ते बारामती हे अंतर रिले स्केटिंग करत पूर्ण करुन नवीन विक्रम प्रस्थापित केला आहे. येथील बारामती रोलिन स्केटिंग क्लबच्या वतीने आज हा उपक्रम राबविला गेला. स्केटिंग या क्षेत्रात आज एक नवीन मानदंड या निमित्ताने स्थापन झाला. स्केटींग प्रशिक्षक तनिष्क शहा यांनी पुढाकार घेऊन या उपक्रमाचे आयोजन केले होते.
पुण्यातील फुरसुंगी येथे आज (ता. 12) सकाळी या उपक्रमाचा प्रारंभ झाला. एका पाठोपाठ एका मुलांनी स्केटींग सुरु करुन य़ा उपक्रमात सहभाग दिला. या मध्ये निशांतराजे डोरगे, सुजय गवळी, रामप्रसाद खन्ना, हर्ष खुराणा, रेहाना शेख, श्रीतेज गाढवे, श्रेया गोरे, वरद शिंदे, नेत्रा गाडेकर, पूर्वा गाडेकर, अन्वेश वायफळकर, श्लोक दोशी, सत्यव्रत सातव, शहाबाज तांबोळी या चौदा जणांनी फुरसुंगी ते बारामती हे अंतर स्केटींग करुन पूर्ण केले.
बारामती मधून आजपर्यंत सायकलिंग , जॉगिंग करत वेगवेगळे विक्रम बऱ्याच जणांनी केले आहे. पुणे बारामती स्केटिंग करत या मुलांनी बारामती मध्ये एक नवीन विक्रम प्रस्थापित केला आहे व बारामतीचे नाव एका वेगळ्या क्षेत्रात उंचावले गेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.