Pune Crime News: पुण्यात प्रेम प्रकरणातून आणखी एक हत्या, महाविद्यालयीन युवकावर कोयत्याने वार करत घेतला जीव

पुणे शहरात गेल्या काही दिवसांमध्ये गुन्ह्यांमध्ये मोठ्या प्रमाणावर वाढ झाल्याचे दिसून येत आहे. पुणे शहर परिसर एका २१ वर्षीय तरुण्याच्या हत्याकांडने हादरले आहे. पुण्यात २१ वर्षीय तरुणाची कोयत्याने वार करून हत्या करण्यात आली आहे. (Latest Marathi News)

ही हत्या प्रेमप्रकरणातून झाल्याचा प्राथमिक अंदाज पोलिसांनी व्यक्त केला आहे. हा युवक बीबीएच्या शेवटच्या वर्षात शिकत होता. दरम्यान आरोपीच्या शोधासाठी पोलिसांची दोन पथके रवाना झाली आहेत. महेश डोके असे हत्या झालेल्या तरुणाचे नाव आहे.

पोलिसांनी दिलेल्या माहितीनुसार, काल सायंकाळी बकोरी रोड वाघोली येथे एका 21 वर्षीय मुलावर कोयत्याने वार करण्यात आले. जखमी झालेल्या तरूणाला त्यानंतर तातडीने त्याला रुग्णालयात भरती करण्यात आले. त्याच्या प्रकृतीची परिस्थिती पाहून त्याला ससून रुग्णालयात पाठवण्यात आले. रुग्णालयात पोहोचण्यापूर्वीच त्याचा मृत्यू झाला. सदर युवक हा बीजीएस कॉलेज वाघोली येथे बीबीएच्या शेवटच्या वर्षात शिकत होता व वाढेबोलाही येथे एका होस्टेलमध्ये राहत होता (Marathi Tajya Batmya)

पोलिसांनी दिलेल्या प्राथमिक माहितीनुसार, तपासा दरम्यान समोर आलेल्या बाबीनुसार ही हत्या समलैंगिक संबंधातून झाल्याचा दाट संशय आहे. परंतु नेमक्या कारणाचा अजूनही पोलीस शोध घेत आहेत. आरोपीच्या शोध घेण्यासाठी दोन पथके रवाना करण्यात आली आहेत. या प्रकरणी लोणीकंद पोलीस ठाण्यात खुनाचा गुन्हा नोंदविण्यात आला आहे.