पुणे : कोथरूड विधानसभा मतदारसंघात राष्ट्रवादी कॉंग्रेस- कॉंग्रेसने महाराष्ट्र नवनिर्माण सेनेचे उमेदवार किशोर शिंदे यांना पाठिंबा दिला असला तरी, छाननीनंतर अंतिम निर्णय होणार आहे. हा निर्णय झाला तर, त्यामुळे कोथरूडमध्ये भाजप- शिवसेनेचे उमेदवार चंद्रकांत पाटील आणि शिंदे यांच्यात सरळ लढत होण्याची चिन्हे आहेत. तर, ब्राह्मण महासंघाने या बाबत योग्य निर्णय घेऊ असे म्हटले आहे.
भाजपचे प्रदेशाध्यक्ष पाटील यांच्या उमेदवारीला कोथरूडमध्ये सुरवातीला विरोध झाला होता. या पार्श्‍वभूमीवर पाटील यांच्यासमोर एकच समर्थ उमेदवार द्यावा, असा विरोधी पक्षांचा प्रयत्न सुरू होता. त्यानुसार कॉंग्रेसचे प्रदेश सरचिटणीस अभय छाजेड तर, राष्ट्रवादीचे अंकुश काकडे यांनी शिंदे यांना पाठिंबा देत असल्याचे म्हटले आहे. तर, राष्ट्रवादीचे नेते अजित पवार यांनीही बारामतीमध्ये बोलताना किशोर शिंदे यांना छाननीनंतर पाठिंबा देऊ, असे म्हटले आहे.
कोथरूडमध्ये मनसेची व्होट बॅंक आहे. 2009 आणि 2014 मध्ये त्यांच्या उमेदवारांना लक्षणीय मते मिळाली होती. त्यावेळी शिंदेच उमेदवार होते. तसेच यावेळी कॉंग्रेस आणि राष्ट्रवादी कॉंग्रेसने कोथरूडची जागा मित्रपक्षाला देण्याची घोषणा केली आहे. मात्र, गेल्या तीन दिवसांपासून कोथरूडमध्ये विरोधी पक्षांचा एकमेव उमेदवार असावा, असा प्रयत्न सुरू होता. त्यानुसार आता विरोधी पक्षांची पावले पडू लागली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.