पुण्यातील बैठक अजित पवार यांच्या अनुपस्थितीत; राजकीय वर्तुळात चर्चा

पुण्यातील कोरोना परिस्थितीची आढावा बैठक कौन्सिल हॉल येथे ही पार पडतेय. आजच्या बैठकीला मात्र उपमुख्यमंत्री तथा जिल्ह्याचे पालकमंत्री अजित पवार उपस्थित राहणार नाही. गृहमंत्री दिलीप वळसे पाटील यांच्या अध्यक्षतेखाली कोरोना आढावा बैठक घेतली जाणार आहे. (Corona Review Meeting in Pune in the absence of Ajit Pawar)

आजच्या बैठकीत जिल्ह्याच्या ग्रामीण भागात कोरोना नियमात शिथिलता देण्याबाबत निर्णय होण्याची शक्यता आहे. परंतु, बैठकीला पालकमंत्री अजित पवार उपस्थित राहणार नसल्याने शहरात उलटसुलट चर्चा सुरु झालीय.

पुणे शहर व पिंपरी चिंचवडपाठोपाठ आता जिल्ह्याच्या ग्रामीण भागातील कोरोना बाधितांचा दर (कोरोना पॉझिटिव्हिटी रेट) हा सात टक्क्यांच्या आता आला आहे. यामुळे शहरापाठोपाठ ग्रामीण भागातील निर्बंधही हटविले जाण्याची शक्यता आहे. निर्बंध शिथिलतेबाबतचा निर्णय गृहमंत्री दिलीप वळसे हे उद्या (ता.२५) होणाऱ्या जिल्ह्यातील कोरोना आढावा बैठकीत जाहीर करतील, असे गुरुवारी (ता.२४) जिल्हा प्रशासनाकडून सांगण्यात आले.

शहर व पिंपरी चिंचवडमधील कोरोना बाधितांचा दर हा दोन आठवड्यांपूर्वीच पाच टक्क्यांवर आला आहे. त्यामुळे मागील दोन आठवड्यांपासून या दोन्ही शहरातील निर्बंध शिथिल केले आहेत. त्याचवेळी ग्रामीण भागातील हा दर दहा टक्क्यांहून अधिक होता. त्यामुळे येथील निर्बंध अद्याप कायम आहेत. ग्रामीणमधील बाधितांचा दर, आठवडाभरापूर्वी साडेनऊ टक्के, चार दिवसांपूर्वी साडेआठ टक्के झाला होता. तोच आज (ता.२४) सात टक्क्यांवर आला आहे.

कालच वाझे प्रकरणात अजित पवार यांची CBI चौकशीची मागणी करण्यात आलीय. तर दुसरीकडे पुण्यातील आंबील ओढा प्रकरणातील विकासक निकटवर्तीय असल्याचं बोललं जातंय. तर आज अनिल देशमुख यांच्या घरावर ed छापा पडलाय आता बैठकीनंतर मात्र गृहमंत्री दिलीप वळसे पाटील काय बोलणार याकडे साऱ्यांचे लक्ष लागलंय.