पुणे Coronavirus : पुण्यातली कोरोनाची परिस्थिती जेवढी चिंताजनक तेवढीच दिलासादायक आहे. पुण्यात कोरोनाच्या रुग्णांच्या आकड्याने नवा उच्चांक गाठला असून, आतापर्यंतचे सर्वाधिक 164 रुग्ण एका दिवसांत सापडले आहेत. गेल्या पाच दिवसांत रोजच रुग्ण संख्येत मोठी भर पडत असल्याने पुणेकरांत पुन्हा भीती पसरत आहे. मात्र, कोरोनामुक्तांची संख्या पुणेकरांना दिलासा देणारी असून, याच दिवसभरात 120 जण घरी गेले आहेत. दरम्यान, विविध रुग्णालयांतील 107 रुग्णांची प्रकृती गंभीर आहे; तर सात जणांचा मृत्यू झाला आहे.
पुण्याच्या बातम्या वाचण्यासाठी येथे क्लिक करा
कोरोनाला रोखण्यासाठी महापालिकेने नागरिकांच्या तपासणीचा वेग वाढविला असून, सध्या रोज एक हजाराहून अधिक जणांची तपासणी होत आहे. त्यामुळे रुग्णांचे प्रमाण वाढत असल्याचे महापालिकेच्या आरोग्य खात्याकडून सांगण्यात येत आहे. मात्र गेल्या आठवड्यात नव्या रुग्णांचे प्रमाण घटले आणि बरे होणाऱ्यांची संख्या वाढल्याने पुणेकरांमधील भीती कमी झाली. परंतु, आता पुन्हा नव्या रुग्णांचा आकडा सव्वाशेच्या पुढे जात आहे. याआधी सर्वाधिक 135 रुग्ण सापडले होते. त्यात वाढ होऊन पहिल्यांदाच दीडशेपेक्षा अधिक म्हणजे, 164 रुग्णांची नोंद झाली आहे. त्यामुळे शहरातील एकूण रुग्ण संख्या 2 हजार 737 झाली असून, त्यातील 1 हजार 209 रुग्ण पूर्णपणे बरे झाले आहेत. तर 156 जणांचा मृत्यू झाला आहे. त्यामुळे सध्या विविध रुग्णालयांत 1 हजार 372 रुग्णांवर उपचार सुरू आहेत.
दरम्यान, ससूनसह विविध रुग्णालयांतील सात जणांचा मृत्यू झाला असून, या सर्वांना इतरही आजार असल्याची नोंद आहे. पुणे शहरात आतापर्यंत 24 हजार 748 नागरिकांची तपासणी करण्यात आली असून, त्यातील 21 हजार जणांचा अहवाल निगेटिव्ह आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.