लाडक्या मुलाच्या ओढीने आई-वडिल निघाले पण, अखेर भेट झालीच नाही !

पुणे/ हडपसर : दवाखान्यात दररोज रुग्ण तपासायचे असल्यामुळे आपल्या माध्यमातून मुलाला कुठलाही त्रास होऊ नये, यासाठी डॉक्टर आई व संगणक अभियंता पित्याने 5 वर्षाच्या लेकराला आजीकडे गावी ठेवले. तब्बल दिड महीना ते मुलापासुन दूर राहिले, शुक्रवारी रात्री ते मुलाला आणण्यासाठी कारने गावी निघाले आणि काळने कालाने घात केला, उंब्रज येथे  त्यांच्या कारचा अपघात होऊन दोघांचा मृत्यू झाला, ज्याच्या भेटीच्या ओढीने निघाले, त्या लाडक्या मुलाची भेट अखेर झालीच नाही !

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा 
 

डॉ. अनुजा गावडे (वय 35) व अमित गावडे (वय 38 रा. हडपसर) असे अपघातात मृत्यु झालेल्या दाम्पत्यचे नाव आहे. ते हडपसर येथील साडेसतरानली गावात राहतात. डॉ.गावडे यांचा गावातच दवाखाना आहे, तर अमित हे खराडी येथील एका नामांकित कंपनीमध्ये संगणक अभियंता म्हणून कार्यरत होते. 

पुण्याला सावधानतेचा इशारा : कोरोना रुग्णांची संख्या वाढणार
पार्श्वभुमीवर डॉ.गावडे यांच्या दवाखान्यात तपासणीसाठी रुग्ण संख्या वाढली  होती. त्यांचा पाच वर्षाचा मुलगा अनिश यास आपल्यामुळे कोणत्याही प्रकारचा आजार नको, म्हणून त्यानी अनिशला दिड महिन्यापूर्वी त्याच्या बेळगावजवळ राहणाऱ्या आजीकडे ठेवले होते. तब्बल दिड महीना मूल आपल्यापासून दूर असल्यामुळे आई वडीलांचा जीव तुटत होता. अखेर कोरोनाचे निर्बंध थोडे शिथिल झाल्याचे पाहुन शुक्रवारी रात्री साडे अकरा वाजता मुलाला आणण्यासाठी स्वत:च्या कारने महाराष्ट्र व कर्नाटक सीमेवर बेळगाव जवळ असलेल्या त्यांच्या गावी निघाले होते.

आणखी वाचा - पुण्यात आयटी कंपन्यांमध्ये सुरू झाली पगार कपात
दरम्यान, शनिवारी पहाटे पावणे पाच वाजता उंब्रजजवलील भोसलेवाड़ी येथे अमित यांचे भरधाव कारवरील नियंत्रण सुटल्याने कार रस्त्यावरील दुभाजकावर आदळली. या अपघातात गंभीर जखमी झाल्याने दोघांचा जागीच मृत्यु झाला. ज्याच्या भेटीच्या ओढ़ीने आई-वडिल निघाले त्या लाडक्या मुलाची भेट अखेर झालीच नाही.