कॅन्टोन्मेंट - वैमनस्यातून तरुणावर शस्त्राने वार करुन त्याचा खून करणाऱ्या दोघांवर समर्थ पोलीस स्टेशनमध्ये गुन्हा दाखल करण्यात आला आहे. महेश नारायण बुरा, किशोर अशोक शिंदे (दोघेही रा. नवा वाडा, नाना पेठ) अशी गुन्हा दाखल करण्यात आलेल्या दोघांची नावे आहेत. अक्षय वल्लाळ (रा. नवा वाडा, नाना पेठ) असे खून झालेल्या तरुणाचे नाव आहे. याप्रकरणी अतुल गंगाधर गायकवाड (वय ३३, रा. नाना वाडा, नाना पेठ) यांनी समर्थ पोलिस ठाण्यात फिर्याद दिली आहे.
पोलिसांनी सांगितले की, अक्षय आणि आरोपी महेश, किशोर नाना पेठेतील नवा वाडा परिसरा राहायला आहेत. आरोपींशी अक्षयची काही दिवसांपूर्वी भांडणे झाली होती. अक्षय नवा वाडा परिसरातील एका इस्त्रीच्या दुकानाजवळ थांबला होता. त्या वेळी आरोपींनी त्याच्यावर तीक्ष्ण शस्त्राने वार केले तसेच त्याच्या डोक्यात सिमेंटचा गट्टू मारला. त्या वेळी इस्त्री दुकानाचे चालक अतुल गायकवाड यांनी मध्यस्थी करण्याचा प्रयत्न केला. गंभीर जखमी झालेल्या अक्षयचा उपचारादरम्यान मृत्यू झाला. पसार झालेल्या आरोपीचा समर्थ पोलीस शोध घेण्यात येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.