पुणे : ससून सर्वोपचार रुग्णालयाच्या परिसरात रुग्णवाहिकेचा व्यवसाय करणाऱ्या चालकास भाडे घेण्याच्या कारणावरुन दोघांनी जबर मारहाण करीत कटरने वार केले. हि घटना बुधवारी दुपारी पावणे तीन वाजता ससुन रुग्णालयाच्या परिसरात घडली. याप्रकरणी बंडगार्डन पोलिसांनी दोघांना अटक केली. किरण विठ्ठल राजपुरे, निखील ज्ञानदेव राजपुरे (दोघेही रा. तुकाई दर्शन, काळेपडळ, हडपसर) अशी अटक केलेल्यांची नावे आहेत. तर रणजीत रामचंद्र जानकर (वय 30, रा.मांजरी, पाटील हाऊस,हवेली) असे जखमी झालेल्या व्यक्तीचे नाव आहे. याप्रकरणी जानकर यांनी बंडगार्डन पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी रणजीत जानकर आणि संशयीत आरोपी हे ससून रुग्णालयाच्या परिसरात रुग्णवाहिकेचा व्यवसाय करतात. त्यांची एकमेकांशी ओळख आहे. बुधवारी (ता.3) दुपारी पावणे तीन वाजण्याच्या सुमारास जानकर, किरण व निखील हे तिघेजण ससून रुग्णालयाच्या परिसरात थांबले होते. त्यावेळी दोघांनी जानकर यांच्याशी वाद घालण्यास सुरुवात केली. "तु खुप दहशत करतो, आमचे भाडे घेतो व आम्हाला मारहाण करतो आज तुला सोडणार नाही' असे म्हणत त्यांच्याजवळील चहाचे भांडे जानकर यांच्या डोक्‍यात घातले. तसेच प्लॅस्टीकच्या कटरने त्यांच्यावर वार केले. या हल्ल्यात जानकर हे गंभीर जखमी झाले. या प्रकरणी फिर्याद दाखल झाल्यानंतर पोलिसांनी दोघांना तत्काळ अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.