Pune Crime : दोन तरुणांनी; २०००, ५०० रुपयांची नोटा पहायचे नाटक करून सिनेस्टाइलने लांबवले ३३ हजार रुपये

पारगाव : पारगाव ता. आंबेगाव येथे काल गुरुवारी रात्री पावणेनऊ वाजता दुकान बंद करत असताना अचानक दुकानात शिरलेल्या दोन उच्चभ्रु तरुणांनी इंग्रजीमध्ये संवाद साधत आम्हाला इंडियातील करन्सी पहायची आहे पाचशे रुपयांची नोट दाखवा , दोन हजार रुपयांची नोट दाखवा अशा प्रकारे बोलण्यात गुंतवुन काऊंटर वर असलेल्या बँगेतील ३५ हजार रुपये लंपास करून कार मधून सिनेस्टाइलने पलायन केले.

येथील अष्टविनायक महामार्गालगत विलास दाते यांचे प्रगत बाजार व प्रगत शेतकरी कृषी एजन्सी हि दोन दुकाने शेजारी शेजारी आहे. प्रगत शेतकरी कृषी एजन्सी या दुकानाचे व्यवस्थापक गणेश अवचिते दिवसाची जमा झालेली एकुण रक्कम ३३ हजार रुपये बँगेत ठेऊन बँग काऊंटरवर ठेऊन दुकान बंद करीत असताना कार मधून आलेल्या दोन उच्चभ्रु तरुण दुकानात आले ते विदेशी वाटत होते त्यांनी श्री. अवचिते यांना इंग्रजीमध्ये संवाद साधत आम्हाला इंडियातील करन्सी पहायची आहे.

असे सांगत पाचशे रुपयांची नोट दाखवा म्हणाले श्री. अवचते यांनी बँगेतील पैशातून पाचशेची नोट दाखवली त्यांतर ते म्हणाले आम्हाला दोन हजार रुपयांची नोट दाखवा त्यावेळी बँगेत दोन हजार रुपयांची नोट नसल्याने श्री. अवचिते हे त्या दोन तरुणांना शेजारील प्रगत बाजारमध्ये घेऊन गेले बँग तशीच काऊंटर ठेवली त्यावेळी त्यांच्या सोबत कार मध्ये बसलेला तिसरा तरूण कार मधून उतरून बँगेतील पैसे काढून पुन्हा कार

मध्ये जाऊन बसला शेजारच्या दुकानात गेलेले दोन्ही तरूण काही क्षणातच दुकानातून बाहेर येऊन कार मध्ये बसून कार जोरात पळवून पलायन केले कार का जोरात पळवली म्हणुन श्री. अवचिते यांना संशय आल्याने त्यांनी बँग तपासली असता बँगेतील पैसे त्या तरुणांनी लंपास केल्याचे लक्षात आले त्यांनी या संदर्भात पारगाव कारखाना पोलीस ठाण्यात तक्रार दिली आहे.

काही दिवसापूर्वी अशाच प्रकारे मलठण (ता. शिरूर) येथील किराणा दुकानात दुकान बंद करते वेळी अशाच प्रकारे दोन उच्चभ्रु तरूण दुकानात जाऊन करन्सी पहायची आहे अये सांगून सुमारे पन्नास हजार रुपयांची रक्कम लांबवल्याची घटना घडली आहे तेथील सीसीटीव्ही फुटेज मधील ते दोन तरूण व काल पारगाव येथील घटनेतील तरूण एकच असल्याचे सीसीटीव्ही फुटेज वरून दिसत आहे गुन्हा करण्याची पद्धतही सारखीच आहे.