Katraj Crime : गुजर-निंबाळकरवाडी तलावात आढळला मतिमंद महिलेचा मृतदेह, भारती विद्यापीठ पोलिसांकडून तपास सुरु

कात्रज : गुजर-निंबाळकरवाडीच्या नवलाईदरा तलावात एका महिलेचा मृतदेह पाण्यात तरंगत असल्याची माहिती कात्रज अग्निशामक दलाला रविवारी (ता. १४) सायंकाळी पावणेपाचच्या दरम्यान मिळाली. त्यानंतर अग्निशामक दलाच्या कर्मचाऱ्यांनी व पोलिसांनी मृतदेह बाहेर काढला.

निर्मला एकनाथ साठे (वय ६०) रा. भारतनगर, गुजर-निंबाळकरवाडी असे महिलेचे नाव आहे. सदरची महिला मतिमंद असून घरातून केव्हाही निघून जात होती, अशी माहिती भारती विद्यापीठ पोलिसांनी (Bharti University Police) दिली.

तसेच, मृतदेह पुढील तपासणीसाठी ससूनला पाठवण्यात आला आहे. कात्रज अग्निशमन दलाचे प्रमुख प्रदीप खेडेकर, चालक गणेश भंडारे, फायरमन पंकज इंगवले, निलेश राजीवडे, अभिषेक खाटपे, योगेश कुंभार, विनायक घागरे यांच्यासह भारती विद्यापीठ पोलिस कर्मचाऱ्यांनी मृतदेह बाहेर काढला.