![Property Tax](http://media.assettype.com/esakal%2F2024-06%2F30b6573f-034e-42fe-bb3a-1dd9d6c857c0%2FRushikesh_Salvi__2_.jpg?w=480&auto=format%2Ccompress&fit=max)
पुणे : मिळकतकरात पाच ते १० टक्क्यांच्या सवलतीसाठी प्रशासनाने दिलेली मुदत उद्या (ता. १५) संपणार आहे. १ एप्रिल ते १४ जून पर्यंत महापालिकेच्या तिजोरीत ६ लाख ७५ हजार मिळकतधारकांनी १२७९.७७ कोटी रुपये जमा केले आहे. ज्या नागरिकांनी मिळकतकर भरला नाही, त्यांनी कर भरावा, असे आवाहन महापालिकेने केले आहे.
आर्थिक वर्षाच्या सुरुवातीला मिळकतकरातून जास्त पैसे मिळावेत, यासाठी १ एप्रिल ते ३१ मे या दोन महिन्यांच्या कालावधीत २५ हजारांपर्यंत १० टक्के व २५ हजारांच्या पुढे पाच टक्के सवलत दिली जाते. ही योजना पुणेकरांमध्ये लोकप्रिय असल्याने दरवर्षी भरपूर प्रतिसाद मिळतो. यंदा अनेकांना मिळकतकराची बिलेच न मिळाल्याने मुदतवाढ देण्यात आली होती.
महापालिकेकडे एकूण १४.२२ लाख मिळकतींची नोंद असून, त्यापैकी ६ लाख ७५ हजार १९३ निवासी मिळकतधारकांनी १२७९.७७ कोटी रुपये जमा केले आहेत. शनिवारी पैसे भरण्यासाठी सवलतीचा शेवटचा दिसून असून, ज्या नागरिकांनी कर भरला नाही त्यांनी पैसे भरावेत, असे आवाहन कर संकलन विभागाचे प्रमुख, उपायुक्त माधव जगताप यांनी केले आहे.
मिळकतकराची सवलत ३१ मे रोजी संपणार होती. तेव्हा ५ लाख ६५ हजार मिळकतधारकांनी ९७३ कोटींचा कर महापालिकेकडे जमा केला आहे. आता १५ दिवसांची मुदतवाढ दिल्यानंतर या मुदतीत आणखी ३०० कोटी रुपये जमा होण्याची शक्यता प्रशासनाने वर्तवली आहे. त्यानुसार १ जून ते १४ जून या कालावधीत १ लाख १० हजार १९३ जणांनी ३०६ कोटीचा कर जमा झाला आहे. शेवटच्या दिवसात यात आणखी भर पडणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.