एसटीच्या धडकेत तरुणीचा मृत्यू

कात्रज, ता. १५ : दोन दिवसांपूर्वीच कात्रज चौकात दोन पीएमपी बसमध्ये सापडून कंत्राटी कामगाराचा मृत्यू झाल्याची दुर्घटना ताजी असतानाच शनिवारी (ता. १५) रात्री नऊ वाजण्याच्या सुमारास याच चौकात एसटी बसचा दुचाकीला धक्का लागून एका तरुणीचा मृत्यू झाला. श्वेता चंद्रकांत लीमकर (वय २५, मुळ रा. कोल्हापूर) असे मृताचे नाव आहे. ती खेड शिवापूर येथील एका कंपनीत ती नोकरीला होती. अपघाताची माहिती मिळताच भारतीय विद्यापीठ पोलिस ठाणे तसेच वाहतूक विभागाचे कर्मचारी घटनास्थळी दाखल झाले.
-----