गेल्या काही दिवसांमध्ये वारंवार धमकीचे फोन येत आहेत. असाच पुण्यातील एका व्यक्तीला विदेशातून एक धमकीचा मेसेज आला आहे. त्यामुळे पुन्हा एकदा खळबळ उडाली आहे. भारतात विविध ठिकाणी बॉम्ब ब्लास्ट घडवून आणण्याबरोबरच देशाचे पंतप्रधान नरेंद्र मोदी यांना बॉम्बने उडवण्याची धमकी देण्यात आली आहे. पुण्यातील एका व्यक्तीला विदेशातून एक ई-मेल आला आहे.
एका व्यक्तीने सोशल मिडीयावर विदेशातून ई-मेल करत ही धमकी दिली होती. एम. ए. मोखीम असं धमकी देणाऱ्या व्यक्तीचे नाव आहे. 'मी अनेक दहशतवादी संघटनांना फंडिंग करतो. हिंदू महिला आणि हिंदूंना देशातून नष्ट करण्यासाठी प्रयत्न करत आहे', असं त्या व्यक्तीने म्हटलं आहे. देशात अनेक ठिकाणी मृत्यू घडवून आणण्याची धमकीसुद्धा आरोपी मोखीम या नावानं जीमेल वापरणाऱ्या व्यक्तीनं ई-मेल केला आहे.
ज्या व्यक्तीला हा ई-मेल आला होता, त्यांनी पुणे शहर पोलीस दलाच्या कंट्रोल रूमला याबाबतची माहिती देऊन पोलिसांत गुन्हा दाखल केला आहे. एकीकडे पुण्यात दहशतवादी संघटनेशी संबधितांना पोलिसांनी ताब्यात घेतलं असताना आता भारताचे पंतप्रधान नरेंद्र मोदी यांना विदेशातूनच उडवून देण्याचा मेसेज आल्याने खळबळ उडाली आहे. अलंकार पोलिस ठाण्यात यासंबंधी गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
