राजीव गांधी ई-लर्निंग स्कूलची दशकपूर्ती

पुणे : शिवदर्शन भागात शाळेसाठी असणाऱ्या‍ आरक्षणावर अतिक्रमण होऊ न देता महापालिकेच्या माध्यमातून भव्य पाचमजली राजीव गांधी अ‍ॅकॅडमी ऑफ ई-लर्निंग एक लाख चौरस फुटाची इमारत आबा बागूल यांच्या प्रयत्नातून उभी राहिली आणि २०११ मध्ये तत्कालीन मुख्यमंत्री पृथ्वीराज चव्हाण, उपमुख्यमंत्री अजित पवार आणि तत्कालीन महापालिका आयुक्त महेश पाठक यांच्या उपस्थितीत याचे उद्‌घाटन झाले. आता राजीव गांधी अ‍ॅकॅडमी ऑफ ई-लर्निंगची आज देदीप्यमान दशकपूर्ती संपन्न होत आहे. देशात संगणक व दूरसंचार क्रांती करणाऱ्या‍ पंतप्रधान राजीव गांधींची स्मृती जागती ठेवण्यासाठी या शाळेस राजीव गांधी अ‍ॅकॅडमी ऑफ ई-लर्निंग हे नाव आवर्जून दिले गेले. तसेच राजीव गांधींचा अर्धपुतळा शाळेत उभारला.

तत्कालीन पंतप्रधान डॉ. मनमोहनसिंग यांना या प्रकल्पाची माहिती नवी दिल्लीत त्यांच्या निवासस्थानी जाऊन आबा बागूल यांनी दिली, तेव्हा डॉ. मनमोहनसिंग यांनी या प्रकल्पाचे कौतुक केले. गरीब विद्यार्थ्यांसाठी ई-लर्निंग स्कूलचा प्रकल्प मार्गी लागण्याआधीच आबा बागूल यांच्या पुढाकाराने शिक्षणाची पंढरी असणाऱ्या‍ पुण्यात अशी ई-लर्निंग शाळा सुरूही झाली, ही विशेष बाब मानावी लागेल.

शाळेची वैशिष्ट्ये.....

• ज्युनिअर केजी ते दहावीपर्यंत असणाऱ्या या शाळेत ‘स्पेस’ संस्थेच्या मदतीने अकरावी आणि बारावीचे सायन्स कॉलेजचे वर्ग सुरू

• शाळेचा शंभर टक्के निकाल

• झोपडपट्टी व अन्य गरजू मुले-मुली मोफत शिक्षण घेत असतानाच त्यांना सकाळी पौष्टिक आहार.

• वह्या-पुस्तकांचे ओझे उतरले.

"पुण्यात शिक्षणाची परंपरा नसणारी गरीब कुटुंबे त्यांच्या पाल्यांना उच्च इंग्रजी शिक्षण देऊ शकत नव्हते. या गरीब कुटुंबातील मुलांना महापालिकेच्या शाळांमध्ये जाणे एवढाच पर्याय उपलब्ध राहिला. हे लक्षात घेऊन पुणे महापालिकेत सत्तेत असणाऱ्या काँग्रेस पक्षाने महापालिका शाळांमधून संगणक शिक्षण चालू केले आणि त्याचवेळी गरीब मुलांसाठी ई-लर्निंग स्कूल सुरू करण्याचा संकल्प पुणे मनपा काँग्रेस पक्ष गटनेते आबा बागूल यांनी केला." - अमित बागूल