कात्रज - ऐन सणासुदीच्या पार्श्वभूमीवर मुख्य चौक, रस्ते, पथदिव्यांच्या ठिकाणी मोठ्या संख्येने फ्लेक्स लावून परिसराचे विद्रुपीकरण करण्यात आले असल्याचे दिसून येत आहे. या अवैध फ्लेक्सकडे स्थानिक आकाशचिन्ह विभागाचे सोयिस्करपणे दुर्लक्ष होत असल्याचे नागरिकांचे म्हणणे आहे. कात्रज चौक, संतोषनगर, कात्रज-कोंढवा रस्ता, सुखसागरनगर, गोकुळनगर, भारती विद्यापीठ, मांगडेवाडी, गुजर-निंबाळकरवाडी रस्ता अशा विविध ठिकाणी अवैध फ्लेक्स लावण्यात आले आहेत.