अरे व्वा! शिक्षण विभागाने ‘जिओ चॅट’वर आपले स्वतंत्र ’चॅनल’ केले खुले

पुणे - ऑनलाईन शिक्षण घेताना बिनचूक आणि वस्तुनिष्ठ असे अस्सल ज्ञान विद्यार्थ्यांपर्यंत पोचविण्यासाठी आता शिक्षण विभागाने ‘जिओ चॅट’वर आपले स्वतंत्र ’चॅनल’ खुले केले आहे. याद्वारे विद्यार्थ्यांसाठी अधिकृत ऑनलाईन शिक्षणाची वेगळी वाट निर्माण झाली आहे. इतकेच नव्हे, तर विद्यार्थ्यांबरोबर शिक्षण अधिकारी,संस्था चालक, शिक्षक यांच्यासाठी देखील याद्वारे सुविधा उपलब्ध करून दिली जाणार असून ’जिओ चॅट चॅनल’ शिक्षण विभाग आणि शिक्षक, विद्यार्थी यांच्यातील दुवा ठरणार आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

परिषदेने नुकतीच ही सुविधा उपलब्ध करून दिली असून, यात सहा हजारांहून अधिक नागरिकांनी नोंदणी केली असल्याची माहिती परिषदेचे उपसंचालक विकास गरड यांनी दिली.

सहभागी होण्यासाठी हे करा

• ‘जिओ चॅट’ हे ॲप प्ले स्टोअरमधून डाऊनलोड करा. 
• आपला मोबाईल क्रमांक व नाव टाकून नोंदणी करा
• चॅनलमध्ये एससीईआरटी महाराष्ट्र वाहिनी शोधा आणि जॉइन करा

‘जिओ चॅट चॅनलचे फायदे 

• पालक, शिक्षक, शाळा, अधिकारी यांना एकाचवेळी मेसेज.
• शैक्षणिक साहित्य मिळेल, शालेय शिक्षण विभागाकडून येणारे आदेश मोबाईलवर मिळणार.
• विद्यार्थ्यांसाठी येणाऱ्या अभ्यासमाला, अवांतर पुस्तके.
• वस्तुनिष्ठ माहिती मिळण्याचा स्त्रोत.
• संबंधित विषय शिक्षकांना साहित्य, माहिती, संशोधने, प्रशिक्षणे, विविध सर्व्हे याची माहिती.
• जिल्ह्यातील शिक्षकांना, शाळांना संदेश देण्याची सुविधा.
• अभ्यासमाला, ई-साहित्य, अवांतर वाचन असे अजून बरेच काही.

राज्यातील सर्व शिक्षणप्रेमी, पालक, शाळा, संस्थाचालक, मुख्याध्यापक, शिक्षक यांनी राज्य शैक्षणिक संशोधन व प्रशिक्षण परिषदेच्या जिओ चॅट चॅनलला जॉईन व्हावे
- दिनकर पाटील, संचालक, राज्य शैक्षणिक संशोधन व प्रशिक्षण परिषद

Edited By - Prashant Patil