राज्यभरातून आलेल्या वारक-यांनी अजित पवार यांच्यासमवेत फोटोसेशनही केले. अजित पवार यांनी टोपी परिधान करुन काही काळ टाळ वाजवून वारक-यांना साथ संगत केली.
बारामती : उपमुख्यमंत्री अजित पवार (Ajit Pawar) व खासदार सुनेत्रा पवार आज, रविवारी (ता. 7) सकाळीच संत तुकाराम महाराज पालखी (Sant Tukaram Maharaj Palkhi Sohala) सोहळ्यात पायी चालत सहभागी झाले. मुंबईहून बारामतीला विमानाने आलेले अजित पवार हे थेट विमानतळावरुन मोतीबाग येथे पालखी सोहळ्यात सहभागी झाले. तेथून ते काटेवाडीच्या दिशेने चालत निघाले आहेत.
सुनेत्रा पवार (Sunetra Pawar) याही त्यांच्या समवेत निघाल्या आहेत. पायी चालताना अनेक वारकरी, वीणेकरी, पालखी सोहळ्याचे प्रमुख यांनी अजित पवार यांच्याशी संवाद साधला. राज्यभरातून आलेल्या वारक-यांनी अजित पवार यांच्यासमवेत फोटोसेशनही केले. अजित पवार यांनी टोपी परिधान करुन काही काळ टाळ वाजवून वारक-यांना साथ संगत केली.
उपमुख्यमंत्री पालखीत चालणार असल्याने आज कडक पोलिस बंदोबस्त ठेवण्यात आला होता. अनेक बारामतीकरही आज सकाळपासूनच बारामती ते सणसर हे अंतर चालत जातात, सकाळच्या पूजेनंतर पालखी सोहळा काटेवाडीकडे मार्गस्थ झाला, तेव्हा भाविकांनी जड अंतःकरणाने सोहळ्यास निरोप दिला. दरम्यान, सकाळी बारामती नगरपालिकेचे मुख्याधिकारी महेश रोकडे यांनी सपत्निक पूजा केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
