पुणे - जमीन नावावर करून न दिल्याने मुळशीमधील सुर्वेवाडीत एका शेतकऱ्यास बेदम मारहाण केल्याप्रकरणी ‘हिंदू राष्ट्र सेने’चा अध्यक्ष धनंजय देसाई याचा जामीन अर्ज न्यायालयाने फेटाळला. सत्र न्यायाधीश व्ही. डी. निंबाळकर यांना हा आदेश दिला.
याबाबत प्रदीप शिवाजी बलकवडे (वय ३५, रा. दारवली, ता. मुळशी) यांनी पौड पोलिस ठाण्यात फिर्याद दिली आहे. एक ऑगस्टला त्यांना मारहाण करण्यात आली होती. त्यांनी दिलेल्या फिर्यादीवरून देसार्इसह सात जणांवर गुन्हा दाखल करण्यात आला आहे. देसाई याच्यावर विविध पोलिस ठाण्यात १७ गुन्हे दाखल आहेत.
यामध्ये जातीय तेढ निर्माण करणे, खून, हत्यार कायद्यांचे उल्लंघन अशा गुन्‍ह्यांचा समावेश आहे. गुन्ह्यातील फरार आरोपींचा शोध घ्यायचा आहे. गुन्ह्यात वापरलेल्या पिस्तुलाचा तपास करायचा आहे. घटना घडल्यानंतर चर्चा करताना देसाई सीसीटीव्हीमध्ये दिसून आला आहे. त्यामुळे त्याचा जामीन फेटाळण्यात यावा, असा युक्तिवाद सरकारी वकील विलास घोगरे पाटील यांनी केला.
फिर्यादी यांच्यावतीने ॲड. अमेय बलकवडे, ॲड. सतीश कांबळे आणि ॲड. सूरज शिंदे यांनी बाजू मांडली. घटनेच्या दिवशी बलकवडे हे सचिन ठोंबरे यांच्या घरात बसले होते. त्यावेळी देसाईचे साथीदार घरात घुसले.
जमीन धनंजय देसाई याच्या नावावर का करून दिली नाही, अशी विचारणा करून त्यांनी फिर्यादी यांना धमकावले. जमीन नावावर करून न दिल्यास तुझ्यासह कुटुंबीयांना जीवे मारू, अशी धमकी आरोपींनी दिली. एका आरोपीने पिस्तुलाचा धाक दाखवून मारहाण केल्याचे फिर्यादीत नमूद आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.