पुणे, ता. २८ : किरकोळ वादातून तरुणावर तीक्ष्ण हत्याराने वार केल्याची घटना धानोरी येथील मुंजाबा वस्तीमध्ये घडली. याप्रकरणी विश्रांतवाडी पोलिसांनी दोघांना अटक केली आहे. अनिकेत किसन कांबळे (वय १८, रा. दुर्गा ढाब्याजवळ, वडगाव शिंदे, लोहगाव) असे जखमी झालेल्या तरुणाचे नाव आहे.
या प्रकरणी तिघांविरुद्ध गुन्हा दाखल करण्यात आला आहे. तुषार भीमा उकिरडे (वय १८, रा. राखपसरे वस्ती, लोहगाव), जुबेर अकबर शेख (वय १८, रा. कलवड वस्ती, लोहगाव) अशी अटक केलेल्या आरोपींची नावे आहेत. त्यांच्या अन्य एक साथीदार पसार झाला आहे. पोलिसांनी दिलेल्या माहितीनुसार, अनिकेत आणि त्याचा मित्र निखिल तांबे धानोरीतील गेनबा मोझे शाळेच्या मैदानावर गप्पा मारत बसले होते.
त्यावेळी तिघेजण रात्री पावणेबाराच्या सुमारास तेथे आले. तुम्ही येथे का बसलात, अशी विचारणा केली. त्यावरून झालेल्या वादात आरोपींनी अनिकेतला लाथाबुक्क्यांनी मारहाण केली. तसेच, त्याच्या हातावर आणि डोक्यावर हत्याराने वार केले. या घटनेनंतर पसार झालेल्यांपैकी दोघांना पोलिसांनी अटक केली. अन्य एका आरोपीचा पोलिस शोध घेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.