खडकवासल्यातील विसर्ग पुन्हा वाढविला

खडकवासला - खडकवासला धरण साखळीत परतीचा मॉन्सून मंगळवारी पुन्हा बरसला. परिणामी संध्याकाळी सहा वाजता खडकवासला धरणातून सहा हजार ८४८ क्युसेकने सुरू होता रात्री बारा वाजता हा विसर्ग सात हजार ७०४ क्यूसेक केला आहे.

धरण परिसरात आज दिवसभर रात्री दहा वाजेपर्यंत खडकवासला येथे ११, वरसगावला २७, पानशेतमध्ये ३१, टेमघरला ३९ मिलीमीटर पाऊस झाला. मुळशीतील ताम्हिणी येथे ११५, वरसगाव मधील दासवे लावासा येथे ५६ मिलिमीटर पाऊस झाला आहे.

पानशेत धरणाच्या एक हजार ९५४ व वीज निर्मिती केंद्रातून ५५० असे मिळून दोन हजार ५०४ क्युसेक पाणी अंबी नदीपात्रामध्ये सोडले.

वरसगाव धरणातून आज रात्री ११ वाजता २६६४ व वीज निर्मिती केंद्रातून ५७० क्युसेक असे तीन हजार २३४ क्युसेक पाणी मोसे नदीत सोडले आहे.

पानशेत व वरसगाव मधील मिळून पाच हजार ७३८ क्युसेक पाणी खडकवासला धरणात जमा होत आहे. खडकवासला धरणातून सहा हजार ८४८ क्युसेक पाणी नदीत सोडले जात आहे. रात्री बारा वाजता हा विसर्ग सात हजार ७०४ क्यूसेक केला आहे.