पुणे : महाराष्ट्र राज्य सहकारी बॅंकेच्या व्यवसाय आणि नफ्यात वाढ झाल्यामुळे बॅंक प्रशासनाने कर्मचाऱ्यांना गेल्या १७ वर्षांतील उच्चांकी १२.५० टक्के सानुग्रह अनुदान जाहीर केला आहे. राज्य बॅंकेचे प्रशासक विद्याधर अनास्कर यांनी ही माहिती दिली.
राज्य सहकारी बॅंक ही गेल्या काही वर्षांपासून नफा कमावत असलेली आशिया खंडातील एक अग्रगण्या शिखर बॅंक बनली आहे. रिझर्व्ह बॅंकेचे सर्व निकष पूर्ण करीत सतत ‘अ’ ऑडिट वर्ग प्राप्त केला आहे. त्याचे श्रेय बॅंकेतील कर्मचारी वर्गाला जाते. २०१७-१८ या आर्क्षिक वर्षात प्रति कर्मचारी व्यवसाय २६ कोटींवरून २०२०-२१ मध्ये ५२ कोटी रुपये झाला आहे. ही वाढ लक्षात घेउन प्रशासनाने हे उच्चांकी सानुग्रह अनुदान जाहीर केले आहे. यापूर्वी बॅंकेने ९ ते १२ टक्के सानुग्रह अनुदान जाहीर केले आहे.
बॅंकेवर प्रशासकाची नियुक्ती झाल्यानंतर २०११ मध्ये कर्मचाऱ्यांची संख्या एक हजार ७०७ इतकी होती. ही संख्या ३० सप्टेंबर २०२१ अखेर ७५९ पर्यंत खाली आली आहे. परंतु बॅंकेच्या व्यवहारात आणि नफ्यात वाढ झाली आहे. बॅंकेचे पुणे, कोल्हापूर, औरंगाबाद, नांदेड, नाशिक आणि नागपूर येक्षे प्रशासकीय कार्यालय आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.