मनसुख हिरेन हत्या प्रकरणात माजी पोलीस अधिकारी एन्काऊन्टर स्पेशालिस्ट प्रदीप शर्मा हे सध्या न्यायालयीन कोठडीत असून त्यांची रवानगी पुण्यातील येरवडा तुरुंगात करण्यात आली आहे. सोमवारी त्यांची प्रकृती बिघडल्यानं त्यांना ससून रुग्णालयात दाखल करण्यात आलं.
तुरुंगात असताना गेल्या १५ दिवसांपूर्वी त्यांच्या पोटात दुखत असल्यामुळं त्यांना ससून हॉस्पिटलमध्ये दाखल करण्यात आलं होतं. त्यानंतर सोनोग्राफी करण्यासाठी आणि पुढील उपचारासाठी शर्मा यांना पुन्हा ससून रुग्णालयात दाखल करण्यात आलं आहे.
मुकेश अंबानी यांचं निवासस्थान असलेल्या अॅन्टिलिया स्फोटकं प्रकरण आणि मनसुख हिरेन हत्या प्रकरणात आरोपी असलेले प्रदीप शर्मा सध्या न्यायालयीन कोठडीत आहेत. एन्काऊंटर स्पेशलिस्ट अशी प्रदीप शर्मांची ओळख आहे. मुंबई पोलीस दलात कार्यरत असताना त्यांच्यावर आत्तापर्यंत 113 एन्काऊंटर्सची नोंद आहे.
दरम्यान, प्रदीप शर्मा यांनी २०१९ ची विधानसभा निवडणूक शिवसेनेच्या तिकीटावर लढवली होती. नालासोपारा इथून त्यांना तिकीट देण्यात आलं होतं. मात्र, या निवडणुकीत त्यांचा पराभव झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
