Katraj Zoological Museum: ४८ तासानंतर कात्रज प्राणी संग्रहालयातील बिबट्याला जेरबंद करण्यात प्रशासनाला यश आले आहे. बिबट्याला जेरबंद करण्यासाठी वेगवेगळ्या उपाययोजना करण्यात आल्या होत्या. हालचाली टिपणाऱ्या वेगवेगळ्या कॅमेऱ्यासह ९ पिंजरे लावण्यात आले होते. दरम्यान तो एका पिंजऱ्यात अडकला. आज (मंगळवार) रात्री ९ वाजून १५ मिनिटांनी बिबट्याला जेरबंद करण्यात आले.
राजीव गांधी प्राणी संग्रहालयातील विलगीकरण कक्षात ठेवण्यात आलेला बिबट्या पिंजऱ्यातून पसार झाला होता. त्यानंतर सर्पोद्यानातील विलगीकरण केंद्राजवळील पाण्याच्या टाकीजवळ रात्री साडेआठच्या सुमारास बिबट्या दिसला होता. तो झाडीत असल्यामुळे त्याला डार्ट मारून त्याला बेशुद्ध करता आले नाही. (Pune Latest News)
त्यामुळे त्याला पकडण्यासाठी यंत्रणा कार्यान्वित करण्यात आली होती. त्याच्या आजूबाजूला तीन पिंजरे लावण्यात आले होते. सीमा भिंत ओलांडून तो बाहेर जाऊ शकला नाही. काही वेळात त्याला त्याच्या पिंजऱ्यात परत नेण्यात यश मिळाले आहे.
बिबट्याला शोधण्यासाठी अग्निशमन दलासह विविध पथके तैनात करण्यात आली होती. हा बिबट्या कर्नाटकमधील हंपी येथून आणण्यात आला होता. प्राण्यांच्या अनाथालयात काही दिवसांपासून त्याला विलगीकरणात ठेवण्यात आले होते. मात्र, सोमवारी सकाळी साधारणतः साडेनऊ वाजण्याच्या सुमारास पिंजऱ्यामध्ये बिबट्या नसल्याचे कर्मचाऱ्यांच्या लक्षात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.