सबस्क्राईब करा
पुणे - पोलिस असल्याची बतावणी करून ज्येष्ठ नागरिकाची सुमारे २१ रुपयांची फसवणूक केल्याचा प्रकार उघडकीस आला आहे. वानवडी परिसरात १५ ते २८ जुलै या कालावधीत हा प्रकार घडला.
या प्रकरणी साळुंके विहार येथील एका ७७ वर्षीय ज्येष्ठ नागरिकाने वानवडी पोलिस ठाण्यात फिर्याद दिली आहे. त्यावरून सायबर चोरट्यांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, फिर्यादी ज्येष्ठ व्यक्ती वानवडी परिसरातील साळुंके विहार रस्त्यावरील एका उच्चभ्रू सोसायटीमध्ये राहतात.
त्यांना १५ जुलै रोजी सायबर चोरट्यांनी मराठे आणि विजय खन्ना या नावाने मोबाईलवर संपर्क साधला. त्यांना पोलिस असल्याची बतावणी करून ‘तुम्ही गैरकृत्य केले असल्याचे सांगत कारवाई करू,’ अशी धमकी दिली. कारवाई न करण्यासाठी त्या ज्येष्ठ नागरिकास बंगळूर येथील एका बॅंक खात्यात ऑनलाइन पैसे भरण्यास सांगितले.
त्यावर या ज्येष्ठ नागरिकाने भीतीपोटी सायबर चोरट्यांच्या बॅंक खात्यात वेळोवेळी २० लाख ८० हजार रुपये जमा केले. फसवणूक झाल्याचे लक्षात आल्यानंतर त्यांनी सायबर पोलिस ठाण्यात तक्रार दिली. सायबर पोलिसांनी गुन्हा दाखल करून तो वानवडी पोलिस ठाण्यात वर्ग केला आहे. पुढील तपास वरिष्ठ पोलिस निरीक्षक संजय पतंगे करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.