वडगाव निंबाळकर - आजूबाजूच्या शेतकऱ्यांकडून जाणीवपूर्वक त्रास दिला जात असल्याच्या तक्रारी सरकारी यंत्रणेकडे वेळोवेळी करूनही दुर्लक्ष केले जाते. यामुळे कंटाळलेल्या शेतकऱ्याने चित्रीकरण करत विषारी औषध घेऊन आत्महत्या केल्याचा प्रकार नीरा नदीकाठी लाटे ता. बारामती येथे शनिवार ता. १३ दुपारी घडला.
हनुमंत पांडुरंग सणस (वय-७० वर्षे, रा. लाटे, ता. बारामती) असे आत्महत्या केलेल्या वृद्ध शेतकऱ्याचे नाव आहे. विषारी औषध घेतल्यानंतर तातडीने बारामती येथील खाजगी दवाखान्यात नेण्यात आले. उपचारादरम्यान रविवार ता. १४ रोजी मृत्यू झाला. वृद्ध शेतकऱ्याची आत्महत्येची माहिती पोलिसांना मिळतात तातडीने त्रास देणाऱ्या व्यक्तींविरोधात गुन्हा नोंदवण्यात आला आहे.
याबाबत जयवंत पांडुरंग सणस, रा. लाटे यांनी दिलेल्या फिर्यादीवरून आजूबाजूचे त्रास देणारे शेतकरी अभिजित उर्फ बाबासो सोपान घुले, अमर दत्तात्रय दुधाने, रा. पुणे, मोहन उर्फ बजीरंग शंकर कोळेकर, संभाजी महादेव खलाटे, प्रकाश बाबुलाल माने, सर्व रा. लाटे, ता. बारामती. त्यांच्यावर आत्महत्या प्रवृत्त केल्याच्या कारणावरून गुन्हा नोंदविण्यात आला आहे.
दरम्यान, गेल्या अनेक वर्षापासून मयत सणस पाटबंधारे विभाग, महावितरण, पोलीस अधिकारी यांच्याकडे आपल्या शेतातून बेकायदा पाणी आणि वीज सोडली जात असल्याच्या तक्रारी करत होते. परंतु याबाबत सातत्याने दुर्लक्ष केले उलट मयत सणस यांनाच धमकावले जात असल्याचे मृत्यूपूर्वी केलेल्या चित्रीकरणात म्हटले आहे.
संबंधित व्यक्तींची नावे घेऊन याबाबतची चिट्ठी ठेवली असल्याचा उल्लेख केला आहे. सरकारी यंत्रणेकडून होत असलेल्या दुर्लक्षित कामकाजाबाबत शेतकऱ्यांमधून संताप व्यक्त होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.