पुण्यातील FTII संस्थेत विद्यार्थी संघटनांकडून वादग्रस्त बॅनरबाजी करण्यात आली आहे. 'रिमेम्बर बाबरी- डेथ ऑफ कॉन्स्टिट्युशन'अशा आशयाचे बोर्ड या ठिकाणी झळकत आहेत. त्यामुळे परिसरात तणावाचं वातावरण निर्माण झालंय.
एफटीआयआयच्या कॅम्पसमध्ये खळबळ निर्माण झाल्यानंतर हिंदुत्ववादी संघटनांकडून हे बॅनर फाडण्यात आले आहेत. त्यानंतर या हिंदुत्ववादी संघटनांच्या कार्यकर्त्यांनी बॅनर लावणाऱ्या विद्यार्थ्यांना मारहाण केली, असा आरोप काही विद्यार्थ्यांकडून करण्यात येतोय. त्यामुळे एफटीआयआयमध्ये तणापूर्ण शांतता आहे.
या घटनेचा एक व्हिडीओ देखील समोर आला आहे. ज्यामध्ये हिंदुत्ववादी संघटनांचे काही कार्यकर्ते दिसतं आहेत. या कार्यकर्त्यांनी आपल्या हातात बॅनर पकडत झालेल्या प्रकाराचा विरोध दर्शवला. त्याचबरोबर या कार्यकर्त्यांनी 'जय श्रीराम, हरहर महादेव, भारत माता की जय'अशा घोषणाही दिल्या. (Latest Marathi News)
घडलेल्या घटनेविषयी पोलिसांना माहिती मिळताच पोलिसांचा फौजफाटा एफटीआयआयमध्ये दाखल झाला. परिसरातील कायदा व सुव्यवस्था टिकून राहावी यासाठी हा फौजफाटा तैनात करण्यात आला आहे. घडलेल्या प्रकाराविषयी चौकशी करुन कारवाई करण्याचे पोलीस उपायुक्तांनी आश्वासन दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
