Pune Fire Accident : धायरी-नांदेड रस्त्यालगत बारांगणी मळा येथे दोन कारखान्यांना आग

- विठ्ठल तांबे

धायरी : धायरी-नांदेड रस्त्यालगत बारांगणी मळा येथे दोन कारखान्यांना दुपारी १२ वाजून १५ मिनिटांच्या सुमारास आग लागली. आगीत सुमारे दीड कोटी रुपये किंमतीच्या मुद्देमालाचे नुकसान झाले.

काही वेळातच पुणे व पीएमआरडीए अग्निशमन दलाकडून ५ अग्निशमन वाहने व ३ वॉटर टँकर घटनास्थळी दाखल झाले. त्यांनी पाण्याचा मारा करून आग आटोक्यात आणली. आग कशामुळे लागली ते कारण समजू शकले नाही. कामगार सुट्टीनिमित्त गावी गेले होते. त्यामुळे सुदैवाने जीवितहानी झाली नाही.

घटनास्थळी बॅटरीचा कारखाना व अन्य एक मशीनरीचे पार्ट तयार करण्याचा कारखाना होता. तिसरे एक छोटे युनिट जिथे पाणी पुरी संबंधित मटेरियल बनविले जाते अशा ठिकाणी आग लागली होती.

१ वाजून १० मिनिटांनी आग नियंत्रणात आली. १ वाजून ३० मिनिटांनी आग पूर्ण शमली. पुणे अग्निशमन दलाकडून नवले, सिहंगड, कात्रज, वारजे, कोथरुड आणि मुख्यालयातून २ वाॅटर टँकर तसेच पीएमआरडीए कडून १ फायरगाडी व १ वाॅटर टँकर दाखल झाले. एकूण वाहने ८ होती. सिंहगड रोड पोलीस ठाण्याचे अधिकारी व कर्मचाऱ्यांनी घटना स्थळी पाहणी केली.