![Pune Rain Update](http://media.assettype.com/esakal%2F2024-06%2F40d8b5b3-ac32-49ba-8985-93aa98985b3d%2FEsakal_Rushikesh__8_.jpg?w=480&auto=format%2Ccompress&fit=max)
Pune Rain Update : लोहगाव, धानोरी परिसरात मंगळवारी सायंकाळी झालेल्या पावसामुळे पुणे विमानतळावरील विमानांच्या वेळापत्रकावर परिणाम झाला. पुण्याहून उड्डाण करणाऱ्या पाच विमानांना एक ते चार तास उशीर झाला. यात डेहराडून, लखनौ, दिल्ली, बंगळूरला जाणाऱ्या विमानांचा समावेश आहे. विमानाला उशीर झाल्याने प्रवाशांचे नियोजन कोलमडले.
शहरात सायंकाळी जोरदार पाऊस झाला. विमानतळ परिसरात पावसाचे पाणी साचल्याने त्याचा परिणाम रस्ते वाहतुकीवर झाला. पर्यायाने विमानाचे वेळापत्रकही कोलमडले. पावसाचे पाणी टर्मिनल गेटपर्यंत पोहोचले होते. त्यामुळे टर्मिनलमधून आत जाणाऱ्या प्रवाशांची गैरसोय झाली. उशीर झालेल्या पाचपैकी दोन विमाने दिल्लीला जाणार होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.