सबस्क्राईब करा
सबस्क्राईब करा
खडकवासल्यातून पाण्याचा विसर्ग वाढल्यामुळे पुणे जिल्ह्यातील नागरिकांची चिंता वाढली आहे. मुळशीतील मुळा नदीचे पाणी शिवारात आले आहे, ज्यामुळे मुठा खोरेतील गावांचा संपर्क तुटला आहे. घोटावडेत मुळा नदीला महापूर आला असून मुळशी धरणातून अडीच हजार क्यूसेकने पाणी सोडले जात आहे.
पुणे जिल्ह्यातील पूरस्थिती गंभीर आहे. मुळा नदीला आलेल्या महापुरामुळे गावांचा संपर्क तुटला आहे. प्रशासनाने बचाव आणि मदत कार्यात जोर लावला आहे. नागरिकांनी सतर्क राहून प्रशासनाच्या सूचनांचे पालन करावे, असे आवाहन करण्यात आले आहे.
पिंपरी-चिंचवड, मावळ, आणि लोणावळा भागांमध्ये मुसळधार पावसामुळे परिस्थिती बिकट झाली आहे. मळवली भागातील एका बंगल्यामध्ये 20 पेक्षा जास्त पर्यटक अडकले होते, ज्यांना शिवदुर्ग बचाव दलाने गळ्यापर्यंतच्या पाण्यातून बाहेर काढले. डॅम ओव्हरफ्लो होण्यापासून वाचवण्यासाठी खडकवासला धरणातून पाणी सोडले जात आहे. त्यामुळे सिंहगड रोड पाण्यात बुडाला असून महापालिका कर्मचारी पाण्याच्या निचऱ्यासाठी कार्यरत आहेत.
पावसामुळे परिस्थिती गंभीर होत असल्याने उपमुख्यमंत्री अजित पवार यांनी सतत बैठका घेतल्या आहेत. जिल्हा प्रशासनाने पूरस्थिती पाहता शाळांमध्ये सुट्टी जाहीर केली आहे. मदत आणि बचाव कार्य जोरात सुरू आहे. पुणे शहरातील एकता नगर येथे लष्कराने मोर्चा संभाळला आहे. तेथील परिस्थिती गंभीर असून चार जणांचा मृत्यू देखील झाला आहे.
पुण्यात भारतीय सेना बचाव कार्यात गुंतली आहे. आता पर्यंत 400 लोकांना सुरक्षित स्थळी हलवले गेले आहे. अधिकाऱ्यांनी सांगितले की सिंहगड रोड भागात लष्कराच्या दोन तुकड्या तैनात केल्या आहेत. एनडीआरएफ, अग्निशमन विभाग, जिल्हा आणि शहर आपत्ती व्यवस्थापन टीम्सही कार्यरत आहेत. मुख्यमंत्री एकनाथ शिंदे यांनी सांगितले की, गरज पडल्यास पावसामुळे प्रभावित लोकांना हवाई मार्गाने हलवण्यात येईल.
मुंबई, पुणे, ठाणे, पालघर यांसह महाराष्ट्रातील अनेक शहरांमध्ये जोरदार पाऊस सुरू आहे. या पावसामुळे रस्त्यांपासून रेल्वे ट्रॅकपर्यंत सर्वत्र पाणी भरलेले आहे. वाहतूक देखील जाम झाली असून उड्डाणे आणि ट्रेन संचालनामध्ये उशीर होत आहे. पुणे आणि कोल्हापूर भागांमध्ये परिस्थिती गंभीर असून जनजीवन विस्कळीत झाले आहे. मुंबईत देखील पावसाने हाहाकार माजवला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.