पुणे : येत्या एक ऑक्टोबरपासून सर्व अन्न व्यावसायिकांनी त्यांच्या विक्री देयकावर चौदा अंकी परवाना अथवा नोंदणी क्रमांक छापणे बंधनकारक करण्यात आले आहे. चौदा अंकी परवाना अथवा नोंदणी क्रमांक हा त्या अन्न व्यावसायिकाची विशिष्ट ओळख दर्शवितो. परवाना अथवा नोंदणी क्रमांकावरून अन्न सुरक्षा व मानके प्राधिकरणाच्या संकेतस्थळावरुन त्या अन्न व्यावसायिकाची परवाना नोंदणीच्या वैधतेबाबत माहिती ग्राहकास मिळू शकते.
अन्न पदार्थाच्या दर्जाबाबत कोणतीही तक्रार असल्यास परवाना अथवा नोंदणी क्रमांकावरून ग्राहक अन्न सुरक्षा व मानके प्राधिकरणाच्या संकेतस्थळावर थेट तक्रार दाखल करू शकतो. उत्पादक, वितरक, घाऊक व किरकोळ विक्रेते तसेच उपहारगृह, रेस्टॉरंट आणि मिठाई विक्रेत्यांनी एक ऑक्टोबरपासून विक्री देयकावर परवाना अथवा नोंदणी क्रमांक छापावा, असे आवाहन अन्न व औषध प्रशासनाचे सहआयुक्त (अन्न) यांनी केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
