पुणे : माजी केंद्रीय मंत्री, भारतीय जनता पक्षाचे नेते आणि ज्येष्ठ पत्रकार अरुण शौरी हे लवासा येथील घराच्या अंगणात पडल्याने त्यांच्या डोक्याला खोच पडली. त्यांच्या मेंदूतही काही अंशतः रक्तस्राव झाला. त्यांना पुण्यातील रूबी हॉल क्‍लिनिक येथे उपचारासाठी दाखल केले असून त्याची प्रकृती स्थिर आहे.
Video : पुण्यातील फुगेवाडी दुर्घटनेचा असा घडला थरार!
शौरी हे रविवारी संध्याकाळी लावासा येथील घराच्या अंगणात फेऱ्या मारत होते. त्यावेळी त्यांना भोवळ आली. ते जमिनीवर पडले. त्यावेळी त्यांच्या डोक्याला मागे इजा झाली. त्यांच्या मेंदूलाही त्यामुळे मार बसला. त्यातून रक्तस्राव झाला. त्यामुळे त्यांना सुरवातीला हिंजवडी येथील रूबी हॉलमध्ये तातडीने दाखल केले. तेथे प्रथमोपचार केल्यानंतर त्यांना पुण्यातील रूबी हॉल क्‍लिनिक येथे उपचारासाठी दाखल केले आहे.
Video : पुणे : फुगेवाडी दुर्घटनेतील मजूराचा अखेर मृत्यू
याबाबत अधिक माहिती देताना मेंदूशल्यचिकीत्सक डॉ. सचिन गांधी म्हणाले, "शौरी यांना रूबी हॉल क्‍लिनिकमधील अतिदक्षता विभागात दाखल करण्यात आले आहे. डोक्याला मार लागल्यानंतर ते पूर्णतः शुद्धीवर होते. ते व्यवस्थित संवाद साधत आहेत. त्यांनी रात्री दाखल करण्यात आले. त्यांची प्रकृती आता स्थिर आहे.'' डॉक्‍टरांचे स्वतंत्र पथक त्यांच्या प्रकृतीवर लक्ष ठेवून आहे.
पुणे : 'त्याने' दोघांना वाचवले पण स्वत:..(व्हिडिओ)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.