Ambegaon News : शाळेला सुट्टी असल्यामुळे गावी आलेल्या विद्यार्थ्यांचा शेततळ्यात बुडून दुर्दैवी अंत; शेतमजूर कुटुंबात शोककळा

मंचर : आंबेगाव तालुक्यातील (Nirgudsar Ambegaon) निरगुडसर येथे आज (शुक्रवार) दुपारी साडेतीन वाजता शेततळ्यामध्ये बुडून चार विद्यार्थ्यांचा दुर्दैवी मृत्यू झाला आहे. ही मुले शेतमजूर (Farm laborer) कुटुंबातील आहेत. श्रद्धा काळू नवले (वय १३ इयत्ता सातवी)सायली काळू नवले (वय ११ इयत्ता पाचवी) दीपक दत्ता मध्ये (रा. कानेवाडी राजगुरुनगर) राधिका नितीन केदारी (वय 14 रा. कानेवाडी राजगुरुनगर) अशी बुडालेल्यांची नावे आहेत.

श्रद्धा व सायली ही दोन्ही मुले गोरक्षनाथ बबन कवठे (रा. जवळे बाळेश्वर संगमनेर जिल्हा नगर) यांनी दत्तक घेतली आहेत. कवठे हे शेतमजुरीचे काम करतात. ही दोन्ही भावंडे निरगुडसर येथील पंडित जवाहरलाल नेहरू विद्यालय शिक्षण घेत होते.

शाळेला सुट्टी असल्यामुळे ही चारही मुले शेततळ्यामध्ये उतरली होती. त्यांना पोहता येत नव्हते. ही मुले बुडत असल्याची माहिती मिळाल्यानंतर कवठे त्यांची पत्नी ज्योती तातडीने शेततळ्याजवळ गेले. पण, तोपर्यंत मुलांची प्राणज्योत मालवली होती. देवेंद्र शेठ शहा फाउंडेशन रुग्णवाहिका चालक स्वप्निल मोरे यांनी चारही मुलांना मंचर उपजिल्हा रुग्णालयात शवविच्छेदनासाठी दाखल करण्यात आले आहे. या घटनेमुळे शेतमजूर कुटुंबांवर शोक काळा पसरली आहे. पारगाव पोलीस याप्रकरणी पुढील तपास करत आहेत.